MATEO 9:11 - Zapotec Guevea de Humboldt New Testament

¹¹ Hor-bwieꞌ meññ-nac yahc fariseu dxie Jesúz lahd meññ-rieꞌ yahc, günabdiidz yâme xmeññ me, ra yâme lee: ―¿Bia nacu rahgü xmuextr laꞌd tohzy no meññ-rcuquix mpuezd no zrieñ meññ-rtzoo gyrehzy guîlquie?

MATEO 9:11 Iomraidhean Croise

MATEO 11:19

No zegahc rwieꞌ laꞌd naa, Mpyquie-Pshahl Dioz Lee, rahguaꞌ no roon. Wé ba rnii laꞌd, ne laꞌd to meññ-la no meññ-roo nistzuuñ‑e naa. No ne laꞌd zegahc, naa we xmígü nyug meññ-rcuquix mpuezd no zrieñ meññ-nehx rlaby ni ne leiy. Ze ne laꞌd, per xguîlnann Dioz rdee diidz por ni mos ni rtzoo xmeññ me.

MATEO 5:46

Porni bâḻ laꞌd ndzi laꞌd nunzy meññ ni ndzi laꞌd la, ¿biaz‑e naꞌ ziaad lou par laꞌd? Xtâ meññ-rcuquix mpuezd nac ze.

MATEO 9:10

No hor-nu Jesúz leññ yuꞌ gayahgü, bydzihñ xtahl meññ-rcuquix mpuezd no zegahc zrieñ meññ-rtzoo gyrehzy guîlquie, gürie yâme tohzy ruꞌ miax no Jesúz no xmeññ me.

MARCOS 2:16

No muextr ni ruuḻ yahc xleiy Moiséz no meññ-nac yahc fariseu, ru bwieꞌ yâme gayahgü Jesúz no meññ-caḻ yahc, ra yâme xmeññ me: ―¿Bia nacu rahgü xmuextr laꞌd tohzy no meññ-rcuquix mpuezd no zrieñ meññ-rtzoo gyrehzy guîlquie?

LUCAS 19:7

Ru bwieꞌ gyre meññ dxie Jesúz leññ xiryuꞌ Saqueu, guzlo galesyno yâmeu, ne yâme: “¡Lâ güieꞌ xnahc‑e dxie Jesúz leññ xiryuꞌ to meññ-guîlquie!”

LUCAS 5:30

Guzlo meññ-nac yahc fariseu no gahc muextr ni ruuḻ yahc xleiy Moiséz, galesyno yâme chehsh xmeññ Jesúz, ra yâme lee: ―¿Bia nacu rahgü laꞌd no meññ-rguquix mpuezd no zrieñ meññ-rtzoo gyrehzy guîlquie?

HECHOS 11:3

ra yâme leeme: ―¿Bia nacu güyay ru nu meññ-nehx meññ-Isṟael? Xtâ no güeey no leeyâme.

GÁLATAS 2:15

Noꞌ nac noꞌ merp meññ-Isṟael, no nehx nac noꞌ meññ-nehx meññ-Isṟael ni nu lo guîlquie.

HEBREOS 5:2

Leeme beeiy gap me guîlrieñ-ndoo no meññ ni nehx nann no nehx rtzoo ni nac xñahzû, porni zegahc‑e nehx gyreu beeiyu leeme;

2 JUAN 1:10

Bâḻ dxuhch guiaad ru nu laꞌd, no nehx rluu me ni bluu Crist la, di gdee laꞌd ñahz tzu me leññ xiryuꞌ laꞌd ni di gynii laꞌd diux leeme;