MATEO 8:9 - Zapotec Guevea de Humboldt New Testament

⁹ Naa nannaꞌ xnahc rahc mdad, porni nu dxu rtzoo mdad naa, no zegahc nu soldad ni rtzon mdad leeyahc. Hor-gapyaꞌ to lahd yâme tza bahch, zia. No hor-gapyaꞌ sto lahd yâme guiaad, ba gahc ziaad. No hor-rshaalaꞌ dmósaꞌ dzictzoo me behch, rtzoo me leeu.

MATEO 8:9 Iomraidhean Croise

MATEO 8:10

Hor-günii capitáṉ ze, ptzunadz Jesúz, no ra me meññ-náḻ leeme: ―Gapyaꞌ laꞌd ni uli, ni to lahd meññ-Isṟael nehx bydzialaꞌ meññ ni rlíladzy beeiy mpyquie-rieꞌ.

MATEO 8:8

Ra capitáṉ leeme: ―Lii ni rtzoo mdad, ndruhty nehx nacaꞌ par guiaadiꞌ xtâ diryuꞌn. Günihzy guiaḻ dmósaꞌ, no ba gahc biaḻ me we.

MARCOS 1:27

Modni ptzunadz meññ-nu leññ idoo Jesúz, no gaya saꞌ yâme: ―¿Biahx‑e leeu nirieꞌ? ¿To nicoby‑e leeu ni rluu me la? ¡Xnahc‑e rtzoo me mdad xtâ mbenahcsy, no rzoob gahcu xtiidz me!

LUCAS 4:39

Luxu gübigy Jesúz ru nash me, no ptzoo Jesúz mdad xle, ra me: ―¡Byruu de ngüna-rieꞌ! No biaḻ gahc xixle me, no biahs gahc me, bdee me ni güee Jesúz no xmeññ.

LUCAS 7:8

Naa nannaꞌ xnahc rahc mdad, porni nu dxu rtzoo mdad naa, no zegahc nu soldad ni rtzon mdad leeyahc. Hor-gapyaꞌ to lahd yâme tza bahch, zia. No hor-gapyaꞌ sto lahd yâme guiaad, ba gahc ziaad. No hor-rshaalaꞌ dmósaꞌ dzictzoo me behch, rtzoo me leeu.”

LUCAS 9:1

Ptohp Jesúz gydiby tzipychop xmeññ me, ptzoo me leeyâme meññ ni beeiy ctzoo xroꞌ cos, no ni beeiy ctzoo mdad gyruu mbenahcsy meññ, no ni beeiy csiaḻ xguîlguihdz meññ.

COLOSENSES 3:22

Laꞌd ni nac mós o criad ni byzee, lâ gzoob xtiidz meññ ni rtzoo mdad laꞌd, dac nunzy hor-gawieꞌ yâme lehdy guiaꞌn laꞌd mos lo yâme, mazyg ctzoo laꞌdu no gydo guîlmbahñ, porni rzacbeeiy laꞌd Dioz.

TITO 2:9

Güluꞌ xguîlriehñ meññ-nac mós ni byzee, gzobdiidz yâme meññ-rtzoo mdad leeyâme; ctzoo yâme pur ni gyxilyno meññ-rtzoo mdad leeyâme, no di guidzguiat yâme diidz.