MATEO 8:3 - Zapotec Guevea de Humboldt New Testament

³ Were pshob ña Jesúz chehsh me, no ra leeme: ―Naa racdadzyaꞌ csiaḻaꞌ lii. ¡Ba biaḻiꞌ we! Lux günii me ze, biaḻ gahc ni gayudz gydo lady mpyquie-caḻ.

MATEO 8:3 Iomraidhean Croise

MATEO 12:13

Luxu ra Jesúz mpyquie-caḻ ni gübihdzy ña: ―Biscaa ñay. No biscaa me leeu, no biaḻ gahcu beeiy gahc sto ladu.

MARCOS 1:41

Bioob Jesúz leeme, no pshob ña chehsh me, no ra leeme: ―Naa racdadzyaꞌ csiaḻaꞌ lii. ¡Ba biaḻiꞌ we!

MARCOS 4:39

Were biahs Jesúz, no ptzoo me mdad mbedun; no ra me nisdoo: ―¡Güyudzie! ¡Di ctzuṟidiꞌ! No güliahz gahc mbedun, no gyreu güyuꞌ dzie.

MARCOS 5:41

No günahzy Jesúz ña ndzabdxuur, no ra me lee: ―Talita, cumi ―ni rnii ne: Ndzabdxuur, lii we gayapyaꞌ, biahsiꞌ.

MARCOS 7:34

Luxu bwieꞌ Jesúz gybaa no cuaꞌ lidzydoo me, no ra me mpyquie-rieꞌ: ―¡Efata! ―ni rnii ne: ¡Byxaliꞌ!

MARCOS 9:25

Hor-bwieꞌ Jesúz ngueeḻy gadohp xtahl meññ, ptzoo me mdad mbenahcsy, no ra me lee: ―Mbenahcsy, lii rtzooy meññ ngop no nguat, naa gayapyaꞌ lii: byruu de ñobywiñ-rieꞌ, no ba di guibyguiat tzuriꞌ leeme.

LUCAS 4:27

No zegahc dze-gübahñ profet-Eliseu, güyuꞌ xtahl meññ-Isṟael gayac-ure, gayudz lady yâme, per ni to yâme nehx biaḻ; nunzy biaḻ to mpyquie ni le Namáṉ, meññ-Siry leeme.

LUCAS 5:13

Were pshob ña Jesúz chehsh me, no ra leeme: ―Naa racdadzyaꞌ csiaḻaꞌ lii. ¡Ba biaḻiꞌ we! Lux günii Jesúz ze, biaḻ gahc ni gayudz gydo lady mpyquie-caḻ.

LUCAS 7:14

Luxu, gübigy me coo taú no güdan me chehshu, no güliahz gahc meññ-ngüyañ leeu. Were günino Jesúz ñoby-guhty, ra me lee: ―¡Biahsiꞌ! Naa we ganino lii.

JUAN 11:43

Bylux günii me ze, günii me ma ndip, ne me: ―¡Lasr, byruu de wé!

JUAN 15:24

Nehx ñahp yâme guîlquie bâḻ naa nehx ptzon lahd yâme mbehty ni ngann ni nehx beeiy ntzoo zrieñ meññ. Per naꞌ ba bwieꞌ yâme gyre ni ptzon, no nîcze ze leeu, néladzy yâme naa no néladzy yâme dTadaꞌ.

JUAN 5:21

No mod-rispahñ xTad me mînguty yahc no rdee me guîlmbahñ leeyâme, zegahc‑e rdee Xiiñ Dioz guîlmbahñ dxu racladzy me gdee meu lee.