MATEO 5:44 - Zapotec Guevea de Humboldt New Testament

⁴⁴ Per naa gapyaꞌ laꞌd: Lâ guîntzi meññ-rdziadzyno laꞌd, no lâ gnab lo Dioz cu xlaꞌy me meññ-rniwaty lo laꞌd; lâ gac meññ-tziaawy no meññ-néladzy laꞌd, no lâ gnab lo Dioz güieꞌ me meññ-rtzilytó laꞌd no meññ-rgultihp laꞌd.

MATEO 5:44 Iomraidhean Croise

LUCAS 23:34

Were günino Jesúz Dioz, ra me lee: ―Dad, psiaaḻladzyiꞌ xguîlquie yâme. Porni nehx nann yâme bia gatzoo yâme. No luxu, güdiiz soldad yahc shab Jesúz, güloo yâme suert lehdy bwieꞌ yâme dxu xlad guiaꞌn cad tohbyu.

JUAN 13:34

Ni gatzon mdad ctzoo laꞌd, to nicoby‑e leeu: Lâ guîntzi saꞌ laꞌd; no mod-ndzi gahcaꞌ laꞌd, mod-wé lâ guîntzi saꞌ laꞌd.

HECHOS 16:28

Were pquee Pabl riedz, ra leeme: ―¡Di ctzunéy lii! Gyre noꞌ nu neꞌ.

HECHOS 7:60

Luxu, bisshiby me no günii me ndip, ne me: ―Señor, rnabaꞌ lii csiaaḻladzyiꞌ guîlquie-rieꞌ ni gatzoo meññ-rieꞌ yahc. Byluxz günii me ze, guhty me.

ROMANOS 12:14

Lâ gnab lo Dioz cu xlaꞌy me meññ ni rtzoo rsahc laꞌd. Lâ gnab tzu yâme mos, no di cu-dia laꞌd leeyâme.

1 TESALONICENSES 5:15

Gax lâ güieꞌ, ru rtzoo meññ laꞌd behch ni nahcsy, di ycuquix laꞌdu leeyâme, mazyg lâ gnâbladzy laꞌd ctzoo laꞌd ni mos no saꞌ laꞌd, no zegahcu no gyre meññ.

1 PEDRO 2:23

Hor-günii meññ didz-nahcsy contr leeme, nehx bidzguiat me didz-nahcsy contr leeyâme; hor-ptzoo psahc yâme leeme, nehx pquelo me, mazyg psaꞌn meu lo ña Dioz, ni rtzoo guîlguxtisy mod-nac xñahzu.

1 PEDRO 3:9

Ru rtzoo meññ laꞌd behch ni nahcsy, di iguquix laꞌdu leeyâme, ru rgu-dia meññ laꞌd, di cu-dia laꞌd leeyâme, mazyg lâ gnab lo Dioz cu xlaꞌy leeyâme, porni Dioz pquee me riedz laꞌd lehdy ycaꞌ laꞌd xlaꞌy me.