MATEO 4:7 - Zapotec Guevea de Humboldt New Testament

⁷ Ra Jesúz leeme: ―Zegahc‑e lo Guehtzy ru queꞌ xtiidz Dioz neu: “Di gnabiꞌ behch lo Dioz ni rtzoo mdad lii nunzy par güieꞌy bâḻ ctzoo me ni neꞌy.”

MATEO 4:7 Iomraidhean Croise

MATEO 21:16

no ra yâme Jesúz: ―¿Rieññiꞌ ni ne mbiux-wé yahc la? Ra Jesúz leeyâme: ―Rieññaꞌ. Naꞌz laꞌd, ¿nehx ruuḻ laꞌd ni ganii lo Guehtzy ru queꞌ xtiidz Dioz de nirieꞌ la, ru neu: Xtâ mbiux-yaañ no mdoo guuḻ yâme lehdy cuguia yâme Dioz?

MATEO 21:42

No ra Jesúz leeyâme: ―¿Dgueññ guuḻ laꞌd lo Guehtzy ru queꞌ xtiidz Dioz la?, ru neu mod-rieꞌ: Guie ni di ne meññ-rzaa yuꞌ nquihñ, naꞌ lehbu ba nash squiñp ru raa guie ni ma rquihñ lehdy tzaa yuꞌ zaꞌgndzi. Dioz ni rtzoo mdad, leeme we ptzoo leeu, no gatzunadz nó rwieꞌ nó leeu.

MATEO 4:10

Ra Jesúz leeme: ―Byruu de neꞌ, bêndzab, porni lo Guehtzy ru queꞌ xtiidz Dioz neu: “Bzacbeeiy Dioz ni rtzoo mdad lii, no ptzoo nunzy ni ne me.”

MATEO 4:4

Ra Jesúz bêndzab: ―Lo Guehtzy ru queꞌ xtiidz Dioz neu: “Dac‑e nunzy no paṉ rbahñ meññ, zehg rbahñ meññ no gyre diidz ni rnii Dioz.”

LUCAS 4:12

Ra Jesúz leeme: ―Lo Guehtzy ru queꞌ xtiidz Dioz neu: “Di gnabiꞌ behch lo Dioz ni rtzoo mdad lii nunzy par güieꞌy bâḻ ctzoo me ni neꞌy.”

HECHOS 15:10

Per naꞌ, ¿biaz nacu garuu laꞌd chehsh ni gatzoo Dioz? Riñlo laꞌd ctzoo zrieñ xmeññ Crist to ni ngann ni zidguiahc beeiy to yuu ni naꞌy ni ñuu yâme, per ni nó gahc ni ngydo-dtadgul yahc nó di ñaḻ ntzoo mod-neu.

HECHOS 5:9

Ra Pedr leeme: ―¿Bia nacu guhc laꞌd tohzy ne laꞌd nwieꞌ laꞌd bâḻ beeiy nisquiee laꞌd xiSpirt Dioz? Meññ-ziaad yahc wé ni ba dzictzu leññ yuꞌ, tziahliꞌ we biycaꞌdzy yâme. Ngâstoo wé ba tziyno yâme lii, igaꞌdzyiꞌ zegahc.

1 CORINTIOS 10:9

Ni di ctzoo nó behch lehdy güieꞌ nó bâḻ gydziaꞌdzy Crist, mod-ptzoo lahd yâme, no leewe güdahgü mbaaḻ leeyâme, guhty yâme.

HEBREOS 3:9

Uga xmeññ yahc laꞌd ni güyuꞌ ba xtze ptziaꞌdzy yâme naa; bwieꞌ yâme bâḻ ntibdadzyaꞌ ni gatzoo yâme, nîcze leññ cuarent ihz gawieꞌ gahc yâme ni gatzon.