MATEO 4:19 - Zapotec Guevea de Humboldt New Testament

¹⁹ No ra Jesúz leeyâme: ―Lâ te náḻ laꞌd naa, no naa ctzon laꞌd meññ ni guidno zrieñ yahc ni gac dmeññaꞌ.

MATEO 4:19 Iomraidhean Croise

MATEO 16:24

Luxu ra Jesúz xmeññ me: ―Dxu racladzy gac dmeññaꞌ lee la, csaan gyre ni nahcsy ni nac, no gbooladzy xtâ xguîlmbahñ, no ctzoo ni ren.

MATEO 19:21

Ra Jesúz leeme: ―Bâḻ racladzyiꞌ di gydzial mbehty doḻ chehshiꞌ la, güya, ptoꞌ ni rahpiꞌ, no bdee xmedyu ycaꞌ meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

MATEO 4:18

Gadedy Jesúz coo nisdoo ni le Galilea, no bwieꞌ me chohp mpyquie; to me le Simóṉ ni zegahc ra yâme lee Pedr, no sto me le Ndréz, behtzy Simóṉ; galee yâme gueshmbaḻ lo nzeꞌ, porni meññ-rnahzy mbaḻ leeyâme.

MATEO 4:20

No psaꞌn gahc yâme xgueshmbaḻ yâme, no za yâme no Jesúz.

MATEO 8:22

Ra Jesúz leeme: ―Náḻiꞌ naa naꞌ; psaꞌn meññ-nac yahc beeiy mînguty ycaꞌdzy yâme xmeññ yâme ni ba guhty.

MATEO 9:9

Byruu Jesúz de uga za me sto lad, no bwieꞌ me to mpyquie ni le Mateu, dxie gacuquix mpuezd meññ. Were ra Jesúz leeme: ―Güde, náḻiꞌ naa. No biahs gahc Mateu, za me no Jesúz.

MARCOS 2:14

No lóni gadedy me naꞌ, bwieꞌ me Leví xiiñ Alfeu, dxie gacuquix mpuezd meññ. Were ra Jesúz leeme: ―Güde, náḻiꞌ naa. No biahs gahc Leví, za me no Jesúz.

LUCAS 5:27

Luxu, byruu Jesúz, za me sto lad. Hor-gadedy me to lgar‑e naꞌ, bwieꞌ me to meññ-rguquix mpuezd, le Leví, dxie ru rtzoo dziiñ. Were ra Jesúz leeme: ―Güde, náḻiꞌ naa.

LUCAS 9:59

Ra Jesúz sto mpyquie: ―Náḻiꞌ naa. Ra mpyquie-caḻ leeme: ―Señor, lii ni rtzoo mdad, bdee ñahz nier tzan dziycatzyaꞌ dtadaꞌ.

JUAN 1:43

Ni byre guiaal biuꞌladzy Jesúz za me lo ṟegioṉ-Galilea, no uga bydzial me Felipy, no ra me lee: ―Náḻiꞌ naa.

JUAN 12:26

Dxu riuꞌladzy ctzoo dixtziñaꞌ, ctzoo ni ren; no ru tzun, wé we ziuꞌ dxu gatzoo dixtziñaꞌ. No dxu rtzoo dixtziñaꞌ, zguguia dTadaꞌ lee.

JUAN 21:22

Ra Jesúz leeme: ―Bâḻ gacdadzyaꞌ guiaꞌn me no nehx zehty me xtâ glo guibyguiataꞌ la, nehx rahpiꞌ de ni ganniꞌ leeu. Mazyg lii, náḻiꞌ naa.

2 CORINTIOS 12:16

Per uliu we nehx guhcaꞌ beeiy to yuu par laꞌd; per ne lahd laꞌd, naa we meññ-picr no ptzon gan laꞌd no guîlrisquiee.