MATEO 4:10 - Zapotec Guevea de Humboldt New Testament

¹⁰ Ra Jesúz leeme: ―Byruu de neꞌ, bêndzab, porni lo Guehtzy ru queꞌ xtiidz Dioz neu: “Bzacbeeiy Dioz ni rtzoo mdad lii, no ptzoo nunzy ni ne me.”

MATEO 4:10 Iomraidhean Croise

MATEO 16:23

Per Jesúz naꞌ, biehqy me no ra me Pedr: ―¡Byruu diby lad de naa, bêndzab! Riñloꞌy gletyrxaniꞌ naa lehdy di ctzon ni ne Dioz. Porni xguîlriehñiꞌ nehx rdeedyu tohzy no ni ne Dioz, mazyg rdeedyu tohzy no xguîlriehñ meññ.

MARCOS 1:13

Güyuꞌ Jesúz uga cuarent dzé, no ne bêndzab nwieꞌ bâḻ beeiy nquihly me Jesúz ntzoo mod-ra me lee. No uga güyuꞌ Jesúz lahd maguehsh ni nya, no gayacno x‑ángel yahc Dioz leeme.

LUCAS 10:18

Ra Jesúz leeyâme: ―Naa bwien byruu bêndzab xtâ leññ gybaa, biahb me beeiy riahb ngüziee.

LUCAS 11:18

No zegahc‑e, bâḻ bêndzab nruu me chehsh gahcme la, ¿bia mód‑e naꞌ beeiy ñahc ni nnii me? Ren ze, porni ne laꞌd Beelzebú, wé we racno naa lehdy rboon mbenahcsy meññ.

LUCAS 13:16

Ngüna-rieꞌ, de lo gahc xfamily Braṉ‑e ziaad me, no ba rahp dicioch ihz rahc cuent nliiby me de guîlguidz-rieꞌ ni rtzoo bêndzab mdad lee. ¿Nehx xñahzu ñiaḻ me dze-risladzy meññ la?

LUCAS 22:3

To dzé güyuꞌ bêndzab Jud-Iscariot, to lahd gydiby tzipychop xmeññ Jesúz.

LUCAS 22:31

Luxu, zegahc ne Jesúz: ―Simóṉ, Simóṉ, bwieꞌ güieꞌzyiꞌ. Ba günab bêndzab gdedyaꞌ lgar ctzoo me laꞌd gyre gyzasy, beeiy rtzoo meññ trigü ru rboo yâme xguixu.

LUCAS 4:8

Were ra Jesúz leeme: ―Byruu de neꞌ, bêndzab, porni lo Guehtzy ru queꞌ xtiidz Dioz neu: “Bzacbeeiy Dioz ni rtzoo mdad lii, no ptzoo nunzy ni ne me.”

JUAN 13:27

No scâsy cuaꞌ Jud paṉ, güyuꞌ bêndzab xguîlmbahñ me. Were ra Jesúz leeme: ―Ni dzictzooy, ptzoo leeu ngueeḻy gahc.

HECHOS 26:18

par gluuy leeyâme ni uli de naa, lehdy gyruu yâme de lo guibcawy, guiaad yâme lo byniꞌ, no lehdy di ctzoor bêndzab mdad leeyâme, no ctzoo yâme ni ne Dioz; no gylíladzy yâme naa lehdy csiaaḻdadzyaꞌ xguîlquie yâme, no mod-wé zdee Dioz leeyâme ni ycaꞌ meññ ni ba nac nunzy par leeme.”

HECHOS 5:3

ra Pedr leeme: ―Ananíaz, ¿bia nacu bdeedyiꞌ ñahz güyuꞌ bêndzab xguîlmbahñiꞌ, neꞌy nisquieey Spirt-Sant, bian-noy lo medy ni ptoꞌy lyu?

1 CORINTIOS 5:5

Lâ gdee mpyquie-wé ladzyña bêndzab lehdy gynihty xcuerp me, no gylaa xispirt me dze-guiaad Jesúz ni rtzoo mdad.

1 CORINTIOS 7:5

No leewe di ga saꞌ laꞌd yac; mazyg beeiy ndedy laꞌd to tiémp sinn di ñahc junt saꞌ laꞌd bâḻ nu laꞌd tohzy guîlriehñ par gnab laꞌd lo Dioz. No luxu gyzac ñahc junt saꞌ laꞌd, porni bâḻ di ñaḻ ntibladzy laꞌd la, were ba nquihly bêndzab laꞌd ntzoo laꞌd guîlquie.

2 CORINTIOS 11:14

No nirieꞌ dac‑e guîlrtzunadz leeu, porni bêndzab gahc‑e rdedy beeiy x‑ángel Dioz ni nu lo byniꞌ.

2 CORINTIOS 12:7

Per lehdy di cuguian naa gahc de gyre ni xroꞌ ni bluu Dioz naa, leewe güyuꞌ beeiy to guiahtz dladyaꞌ ni gashahl bêndzab no gazaczíu naa, beeiy ni gagahpu dloꞌn lehdy di cuguian naa gahc.

2 CORINTIOS 2:11

Mod-rieꞌ di guisquiee bêndzab nó; porni ba rzaclo nó zaꞌgndzi ni nahcsy ni nac me.

SANTIAGO 4:7

Lâ gzobdiidz Dioz. Na di ctzoo laꞌd ni ne bêndzab, no zrusytzu me de laꞌd.

1 PEDRO 5:9

Lâ tzu zaꞌgndzi de ni rlíladzy laꞌd Dioz, no di gdee laꞌd ñahz bêndzab ctzoo me gan laꞌd, porni nann laꞌd xmeññ Crist ni nu gydo-bynac lo guiedzylie, modé gahc‑e gadedy yâme beeiy gahc laꞌd.