MATEO 27:4 - Zapotec Guevea de Humboldt New Testament

⁴ no ra me leeyâme: ―Naa ptzon guîlquie, porni bdedyaꞌ laꞌd to mpyquie ni nehx nu mbehty chehsh. Per ra yâme leeme: ―Nehx rioobu noꞌ de niwé. ¡Lii bwieꞌ xnahc gaquiꞌ!

MATEO 27:4 Iomraidhean Croise

MATEO 27:19

Hor-dxie Pilat ru rtzoo me guîlguxtisy, pshahl ndzab-tziahl me diidz lo me, ra leeme: “Na di ctzooy mbehty no mpyquie-wé ni nehx nu mbehty chehsh, porni por xtoḻ ni gayahc me, ntzie günii dixcaḻaꞌ pur mpcaḻ-nadz ni ndzieeby.”

MATEO 27:54

Xcapitáṉ soldad no zrieñ meññ ni gayahp no leeme ru cueꞌ Jesúz lo cruzy, hor-bieññ yâme byniꞌby guiedzylie no bwieꞌ yâme gyre ni gayahc, bydzie yâme no ne yâme: ―Uli gahcxu we Xiiñ Dioz mpyquie-rieꞌ.

LUCAS 23:22

Gyzac ra Pilat leeyâme ni bionn vuelt: ―¿Per bia ni dirquihñ ptzoo me? Naa nehx rdzialaꞌ mbehty doḻ lguia me par gaty me. Beeiydí, ctzon mdad gydihñ me, no luxu guislaan leeme.

LUCAS 23:41

Nó quee nó neꞌ porni rahp nó doḻ, no leewe gaguix nóu neꞌ. Per mpyquie-rieꞌ nehx ptzoo me mbehty ni dirquihñ.

LUCAS 23:47

Hor-bwieꞌ capitaṉ-ṟoman gyre niwé yahc, güluguia me Dioz, ne me: ―Uli gahcxu we, mpyquie-rieꞌ meññ-tziaawy-e leeme.

JUAN 19:7

Meññ-Isṟael ra yâme Pilat: ―Noꞌ rahp noꞌ to leiy, no ni ne dleiy noꞌ la, rahp me de ni gaty me porni ne me Xiiñ Dioz leeme.

HECHOS 13:28

No nîcze nehx bydzial yâme mbehty doḻ chehsh me par ñehty me, per günab yâme Pilat ptzoo mdad guhty me.

ROMANOS 3:19

Nó nann nó gyre ni rnii xleiy Dioz, rniiu ze par meññ ni rtzoo leiy mdad lee, lehdy ndruhty di gynii nehx nu mbehty chehsh, no Dioz ctzoo guîlguxtisy lguia gyre meññ-nu lo guiedzylie;

1 TIMOTEO 4:2

Squee ihqy yâme ni rluu meññ-risquiee ni ne lee meññ-tziaawy lee nîcze nehx uliu, no rahp yâme to guîlrieñ-nahdy, beeiy ni cueꞌ gue no to guiib ni nlay.

TITO 1:16

Ne yâme rzaclo yâme Dioz, per ni rtzoo yâme rdee diidz nehx uliu; rtzoo yâme ni néladzy Dioz no meññ-nahdy leeyâme ni di raḻ ctzoo mbehty ni mos.

HEBREOS 7:26

Jesúz naꞌ, bahl ni nac jefy‑e leeme ni gaquihñ nó. No rxilyno Dioz leeme, nehx nu mbehty chehsh me, no nyar xguîlmbahñ me, no nehx nu me lahd meññ-rtzoo guîlquie, no ba gülesy Dioz leeme gybaa.

1 PEDRO 1:19

mazyg biaxu no xrieñ Crist ni modni rsahc, ni bdee me lee par to gun, beeiy to xiily ni ma mos no nyar.

1 JUAN 3:12

Di gac nó beeiy Caíṉ ni güyuꞌ ba xtze, ni guhc xmeññ bêndzab, biꞌdy me behtzy me. ¿No bia nacu biꞌdy me lee? Porni ni rtzoo me, pur ni nahcsy‑e leeu, no behtzy me rtzoo ni nac xñahzû.

APOCALIPSIS 11:10

Gyre meññ ni nu lo guiedzylie sshihly yâme hor-ba guhty gyrop profet. Ziscady saꞌ yâme gyrehzy de guîlrxihly; porni ba guhty gyrop profet ni zidguiahc beeiy to guîlné par leeyâme.