MATEO 26:18 - Zapotec Guevea de Humboldt New Testament

¹⁸ Ra Jesúz leeyâme: ―Lâ tza ciuda ru nu to mpyquie-rzaclo laꞌd lee, no lâ ga leeme: “Ze ne Muextr: Ba gadzihñ dzé gac ni por lee biaḻaꞌ; leewe riuꞌdadzyaꞌ ctzon lni-Pascü xiryuꞌy no dmeññaꞌ.”

MATEO 26:18 Iomraidhean Croise

MATEO 21:3

No bâḻ dxuhch ga laꞌd behch, lâ ga leeyâme: “Señor‑e gaquihñ leeyâmaꞌ; luxu cshahl me leeyâmaꞌ.”

MATEO 23:10

Na di gyxilyno laꞌd ga meññ ma nann laꞌd; porni rahp laꞌd to Muextr ni ma nann, leeme we Crist.

MATEO 23:8

’Per laꞌd, di gyo laꞌd ga meññ laꞌd “Muextr”; porni rahp laꞌd nunzy to Muextr, lee we Crist, no gyre laꞌd‑e zidguiahc beeiy tohzy family.

MATEO 26:19

No mod-ra Jesúz xmeññ me, mod-wé ptzoo yâme, no uga bistziaawy yâme gyre ni rahc lo lni-Pascü.

MATEO 26:2

―Ba nann laꞌd, ba schohp dzé gayaadz par gac lni-Pascü; no naa, Mpyquie-Pshahl Dioz Lee, zdee meññ naa lo ña meññ-rdziadzyno naa no yquee yâme naa lo cruzy.

MATEO 26:49

No nehx byleer mazy, scâsy bydzihñ yâme, ra Jud Jesúz: ―¡Diux, Muextr! No pcuruꞌ me lee.

MARCOS 5:35

Ganii ziaꞌ Jesúz ze, bydzihñ meññ ni byruu xiryuꞌ mpyquie-nu idoo xcargü ni zidne yahc, ra yâme leeme: ―Xindzabdxuuriꞌ ba guhty. ¿Par bia gazacnñaadriꞌ Muextr?

LUCAS 22:53

Gyre dzé güyun ruꞌ idoró no laꞌd, per nehx günahzy laꞌd naa. Per ngâstoo were ba bydzihñ hór par gac ni ne laꞌd, no par gac ni ne ni rtzoo mdad lo guibcawy.

JUAN 11:28

Bylux günii Mart ze, bigyne me Maríe ra me lee ngaꞌdzy gá: ―Muextr ba bydzihñ, no ne me tzaꞌy ru zu me.

JUAN 12:23

Ra Jesúz leeyâme: ―Naa we Mpyquie-Pshahl Dioz Lee, no ba bydzihñ dze-tzuguian.

JUAN 13:1

Antzy ni gydzihñ lni-Pascü, Jesúz nann me ba bydzihñ dzé ni gyruu me guiedzylie-rieꞌ no gybiꞌ me ru nu xTad me. No leeme bintzi me xmeññ me ni nu lo guiedzylie, mod-wé gahc ndzi me leeyâme xtâ glo dze-guhty me.

JUAN 17:1

Bylux günii Jesúz gyre nirieꞌ, bwieꞌ me gybaa, no ne me: ―Dad, ba bydzihñ hór. Güluguia naa lehdy naa zegahc cuguian lii.

JUAN 20:16

Were ra Jesúz leeme: ―¡Maríe! Bidzguiat lo Maríe no günii me didz-hebreu, ra me Jesúz: ―¡Raboni! ―ni rnii neu, Muextr.

JUAN 7:30

Were gucladzy yâme niyno yâme leeme lidzyguiib, per ndruhty di ñaḻ nnahzy leeme, porni dgueññ ziaꞌ gydzihñ dzé de ni igaꞌ me.

JUAN 7:6

Were ra Jesúz leeyâme: ―Dgueññ ziaꞌ gydzihñ dze-guieññ meññ dxu naa; per par laꞌd naꞌ, nitisy dzé we mos.

JUAN 7:8

Lâ tza; naa nehx zian, porni dgueññ ziaꞌ gyzaꞌ dzé tzan.