MATEO 23:8 - Zapotec Guevea de Humboldt New Testament

⁸ ’Per laꞌd, di gyo laꞌd ga meññ laꞌd “Muextr”; porni rahp laꞌd nunzy to Muextr, lee we Crist, no gyre laꞌd‑e zidguiahc beeiy tohzy family.

MATEO 23:8 Iomraidhean Croise

MATEO 10:25

Meññ-rzeedy gyxilyno me dze-ba nann me beeiy gahc nann xmuextr me, no to mós gyxilyno me dze-ba rsahc me beeiy gahc xpatróṉ me. Bâḻ xtad meññ-nu to leññ yuꞌ ra yâme lee Bêndzab la, ¡lé dxi de xiiñ mpyquie-rieꞌ!

MATEO 17:5

Ganii ziaꞌ Pedr ze, tohzydzi bihtz to zá leeyâme lé rguꞌu byniꞌ; no lo za-wé bieññ yâme to riedz, ni ne: ―Nirieꞌ we dShiñaꞌ ni ndzin lee, no ni rxilynon lee; lâ guieññ ni ga me laꞌd.

MATEO 23:10

Na di gyxilyno laꞌd ga meññ ma nann laꞌd; porni rahp laꞌd to Muextr ni ma nann, leeme we Crist.

MATEO 23:7

No hor-ganzeꞌ yâme leññ guiedzy, racladzy yâme gynii meññ diux leeyâme no xroꞌ guîlrzacbeeiy, no riuꞌladzy yâme ga meññ leeyâme: “Muextr.”

MATEO 26:25

Luxu byruu Jud, ni ba nu par gdee Jesúz lo ña meññ-rdziadzyno leeme, ne: ―Muextr, ¿dac naa la? Ra Jesúz leeme: ―Lii ba güniiyu.

MATEO 26:49

No nehx byleer mazy, scâsy bydzihñ yâme, ra Jud Jesúz: ―¡Diux, Muextr! No pcuruꞌ me lee.

MARCOS 10:51

No ra Jesúz leeme: ―¿Bia racladzyiꞌ ctzon por lii? Ra ngaḻ leeme: ―Muextr, racdadzyaꞌ güien gyzac.

MARCOS 11:21

Were bitsêlou Pedr ni günii Jesúz, no ra me lee: ―Muextr, bwieꞌ güieꞌzyiꞌ yag-duug ni güluꞌy dia lee, ba gübihdzyu.

MARCOS 14:45

No scâsy bydzihñ me, gübigy gahc me, ra me Jesúz: ―¡Muextr! No pcuruꞌ me lee.

MARCOS 9:5

Were ra Pedr Jesúz: ―Muextr, ¡lehgxu zuu nó neꞌ! Gzaa noꞌ tzonn ṟamad: tohbyu par lii, stohbyu par Moiséz, no stohbyu par Elíaz.

LUCAS 22:32

Per ba günabaꞌ lo Dioz gacno me lii lehdy di csaꞌniꞌ de ni rlíladzyiꞌ naa. Per dze-ba gubyguiat gyohbyiꞌ naa sto, gucno zrieñ meññ-xirmaniꞌ par di gyrugan yâme.

JUAN 1:38

Bidzguiat lo Jesúz, bwieꞌ me náḻ chohp xmeññ Juaṉ leeme, ra me leeyahc: ―¿Bia gayo laꞌd? Ra yâme leeme: ―Muextr, ¿bá glo nuy?

JUAN 1:49

Ra Natanael Jesúz: ―Muextr, lii we Xiiñ Dioz; lii we xṞeiy meññ-Isṟael.

JUAN 11:8

Ra xmeññ me leeme: ―Muextr, rahp doozy dzé riñlo meññ-Isṟael ni nu ñaz-wé ngaꞌdy yâme lii no guie, ¿no naꞌ neꞌy tzaꞌy uga gyzac la?

JUAN 20:16

Were ra Jesúz leeme: ―¡Maríe! Bidzguiat lo Maríe no günii me didz-hebreu, ra me Jesúz: ―¡Raboni! ―ni rnii neu, Muextr.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 3:26

No güya yâme, ra yâme Juaṉ: ―Muextr, mpyquie ni güya ru zuꞌy stiby chehsh guiagü-Jordáṉ, ni bdeedyiꞌ diidz de lee, gachôbnihs me, no gadohp gyre meññ leeme.

JUAN 4:31

Lóni zia ngüna-caḻ, xmeññ Jesúz naꞌ gaya leeme: ―Muextr, güdahgü.

JUAN 6:25

Hor-bydzihñ yâme stiby chehsh nisdoo, bwieꞌ yâme Jesúz, no günabdiidz yâme, ra yâme leeme: ―Muextr, ¿pór bydzihñiꞌ neꞌ?

JUAN 9:2

Were ra xmeññ me leeme: ―Muextr, ¿bia nacu guhl mpyquie-rieꞌ ngaḻ lo me? ¿Por xguîlquie xtad me o xmam me la, o por xguîlquie gahcme?

2 CORINTIOS 1:24

Nehx neu noꞌ ntzoo noꞌ mdad ni gylíladzy laꞌd, mazyg gacno noꞌ laꞌd lehdy gyxihly laꞌd; porni nu laꞌd zaꞌgndzi de ni rlíladzy laꞌd Dioz.

2 CORINTIOS 4:5

Nehx runo noꞌ meññ de noꞌ gahc, mazyg runo noꞌ meññ Jesucrist leeme rtzoo mdad, no noꞌ nu noꞌ par laꞌd por guîlrzacbeeiy ni rahp noꞌ Jesucrist.

EFESIOS 3:15

no de leeme ziaad gyre lo cuib ni nu yahc gybaa no ni nu yahc lo guiedzylie no gyreu zidno le me.

FILEMÓṈ 1:16

no dac beeiy to mós ni byzee, mazyg beeiy to ni ma rsahc que to mós ni byzee; tzu me no lii beeiy to rman ni ndzi nó lee. Naa la, ndzin leeme, per lii racladzyu ma guîntziy leeme, dac nunzy beeiy zâ-bynechiꞌ, mazyg beeiy xirmaniꞌ ni nu no Crist ni rtzoo mdad.

SANTIAGO 3:1

Dirman yahcaꞌ, na di xtahl laꞌd tzúladzy gac muextr, porni ba nann laꞌd noꞌ ni nac muextr, ma xroꞌ guîlné gabiahz par noꞌ dze-ctzoo Dioz guîlguxtisy bâḻ di ctzoo noꞌ ni nac xñahzû.

1 PEDRO 5:3

No di gacu beeiy ni rtzoo laꞌd mdad meññ-galuu laꞌd lee, mazyg lâ ctzoo ni nac xñahzû, lehdy güieꞌ yâme no ctzoo yâme mod-wé gahc.

APOCALIPSIS 1:9

Naa, Juaṉ, nacaꞌ xirman laꞌd ni gadedy xtahl ni nadz mod-gadedy gahc laꞌd, no tohzy nu nó ru rtzoo Dioz mdad no nehx rxiññdadzy nó de ni gatzoo nó mod-ne me porni Jesucrist gayacno me nó. No porni runon meññ xtiidz Dioz no rdedyaꞌ diidz de ni günii Jesucrist, leewe bidsaꞌn meññ naa to lo lyu ni le Patmos ni nu nisdoo guingybi.

APOCALIPSIS 19:10

Hor-bieññaꞌ ze, bisshibyaꞌ lo ángel par nzacbeeiyaꞌ leeme. Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre meññ-xirmaniꞌ ni nehx rsaꞌn de ni runo yâme meññ xtiidz Jesúz. Bzacbeeiy Dioz. Porni xtiidz Jesúz, leeu we ni risnii xmeññ me ni runo leeu zrieñ meññ.

APOCALIPSIS 22:9

Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre xirmaniꞌ ni nac yahc profet no gyre meññ ni rtzoo mod-ne diidz ni queꞌ lo guetzy-rieꞌ. Bzacbeeiy Dioz.