MATEO 22:16 - Zapotec Guevea de Humboldt New Testament

¹⁶ No mod-wé pshahl yâme chohp tzonn xmeññ yâme, tohzy no zrieñ xmeññ Herody, bydzihñ yâme, ra yâme Jesúz: ―Muextr, noꞌ nann noꞌ gyre ni rniiy, ni uli we leeu, no rluuy ni uli lguia ni racladzy Dioz ctzoo meññ, no nehx rlabyiꞌ ni ne meññ; porni nehx rwieꞌy meññ nunzy de xtziguia.

MATEO 22:16 Iomraidhean Croise

MATEO 22:24

ra yâme: ―Muextr, Moiséz bzaa me lo leiy, ne me: “Bâḻ to mpyquie rehty me no riaꞌn tziahl me sinn gap xiiñ la, behtzy gahcme guidzña no ngüna-rieꞌ lehdy gap xiiñ yâme xcuent behtzy me ni guhty.”

MATEO 22:26

No zegahcu ni byrohp yâme, no ni bionn yâme, no ze glo byzaꞌ gydiby gahdzy yâme.

MATEO 26:18

Ra Jesúz leeyâme: ―Lâ tza ciuda ru nu to mpyquie-rzaclo laꞌd lee, no lâ ga leeme: “Ze ne Muextr: Ba gadzihñ dzé gac ni por lee biaḻaꞌ; leewe riuꞌdadzyaꞌ ctzon lni-Pascü xiryuꞌy no dmeññaꞌ.”

MATEO 26:49

No nehx byleer mazy, scâsy bydzihñ yâme, ra Jud Jesúz: ―¡Diux, Muextr! No pcuruꞌ me lee.

MARCOS 10:17

Lóni garuu Jesúz no ba za me gyzac, tohzy bydziñ-güxuunn to mpyquie, bisshiby lo me no günabdiidz, ra leeme: ―Muextr, naa nannaꞌ meññ-tziaawy lii. ¿Bia mód ntzon lehdy ñapaꞌ guîlmbahñ ni nehx zluhx?

MARCOS 12:13

Byluxu pshahl yâme lahd meññ-nac yahc fariseu no lahd xmeññ Herody, zignabdiidz yâme Jesúz, nwieꞌ yâme bâḻ nnii me behch lehdy ñuꞌ to mód nruu yâme contr leeme.

MARCOS 12:14

Bydzihñ meññ-rieꞌ, ra yâme Jesúz: ―Muextr, noꞌ nann noꞌ gyre ni rniiy ni uli we leeu, no nehx rlabyiꞌ ni ne meññ, porni nehx rwieꞌy meññ nunzy de xtziguia. Rluuy ni uli lguia ni racladzy Dioz ctzoo meññ. Leewe gu noꞌ: ¿Xñahzu we quix noꞌ mpuezd lo xṟeiy meññ-Ṟom la, o yac? ¿Rahp noꞌ de ni quix noꞌu la, o yac?

MARCOS 3:6

Byluxu byruu meññ-nac yahc fariseu idoo no guzlo gahc gatzoo yâme diidz tohzy no xmeññ Herody, xnahc igaꞌdy yâme Jesúz.

MARCOS 8:15

Ra Jesúz leeyâme: ―Gax lâ güieꞌ; lâ gap laꞌd no ni nac meññ-fariseu no ni nac Herody, ni zidguiahc yahc beeiy levadur.

LUCAS 20:21

Ru bydzihñ yâme, ra yâme leeme mod-rieꞌ: ―Muextr, noꞌ nann noꞌ gyre ni rniiy no gyre ni rluuy meññ, ni uli we leeu, no par lii tohzy mdid‑e rsahc gyre meññ. Rluuy ni uli lguia ni racladzy Dioz ctzoo meññ.

LUCAS 7:40

Were ra Jesúz fariseu: ―Simóṉ, rapaꞌ to ni gapyaꞌ lii. Ra me Jesúz: ―Guw naa, Muextr.

JUAN 14:6

Ra Jesúz leeme: ―Naa we beeiy to ñahz, no rlun ni uli, no rdedyaꞌ guîlmbahñ ni nehx zluhx. Ndruhty nehx zdzihñ ru nu dTadaꞌ bâḻ di gacu por naa.

JUAN 18:37

Ra Pilat leeme: ―¿Ni uli ṟeiy lii la? Ra Jesúz leeme: ―Lii neꞌy ṟeiy naa. Par nirieꞌ we guhlaꞌ no biaḻaꞌ lo guiedzylie, lehdy gdedyaꞌ diidz de ni nac ni uli. Gyre meññ ni rzaclo ni uli, rieññ yâme naa.

JUAN 7:18

Dxu rnii ni ne xguîlriehñ, racladzy cuguia meññ lee; per naa racdadzyaꞌ tzuguia dTadaꞌ ni pshahl naa; leewe rnin ni uli, no nehx risquieen.

2 CORINTIOS 2:17

Noꞌ nehx nac noꞌ beeiy xtahl meññ ni rtzoo gan medy por xtiidz Dioz, mazyg ñaz-lo Dioz‑e runo noꞌu meññ no to guîlrieñ-mos, porni pshahl me noꞌ, no porni nu noꞌ no Crist.

2 CORINTIOS 4:2

Nehx rtzoo noꞌ mbehty ni rahc ngaꞌdzy no ni ristuꞌ meññ; nehx risquiee noꞌ meññ, no nehx rtzee noꞌ xtiidz Dioz, mazyg runo noꞌ meññ ni uli no nehx rcaꞌdzy noꞌ leeu. Mod-rieꞌ gann gyre meññ leññ xguîlriehñ yâme bia rtzoo noꞌ, no nann Dioz leeu.

2 CORINTIOS 5:16

Leewe, ba nehx rsahc noꞌ ndruhty mod-rtzoo meññ-nehx rzaclo Dioz; no nîcze tzcaḻ, psahc noꞌ Crist mod-rtzoo meññ-nehx rzaclo Dioz, ba nehx rsahc noꞌ leeme mod-wé.

GÁLATAS 1:10

¿Bia ne laꞌd naꞌ? ¿Riuꞌdadzyaꞌ cuguia meññ naa la, o riuꞌdadzyaꞌ gyxilyno Dioz naa? ¿O rluu beeiy ni rtzon ni rxilyno meññ lee la? Per bâḻ naa ntzon ni rxilyno meññ lee, ¡ba dac‑e xtziiñ Dioz gatzon!

GÁLATAS 2:6

No meññ-rahp cargü lahd xmeññ Crist nehx gu yâme naa nu zrieñ behch ntzon, nîcze nitisy dxu guhc yâme ba xtze, naa nehx rquee diqyaꞌ niwé, porni par Dioz tohzy mdid‑e rsahc gyre meññ.

1 TESALONICENSES 2:4

Mazyg Dioz nann me nehx rtzoo noꞌ modé no psan-no me xtiidz me noꞌ lehdy guno noꞌu meññ, no leewe rnii noꞌu. Nehx gayo noꞌ gyxilyno meññ noꞌ, mazyg gayo noꞌ gyxilyno Dioz noꞌ ni rwieꞌ xtâ leññ dguîlmbahñ nó.

SANTIAGO 3:17

Per meññ ni rahp guîlriehñ ni ziaad de Dioz, nier gahc xguîlmbahñ yâme we nyar, no ryo yâme tzu meññ dzie tziaawy, rtzoo yâme ni beeiy gyxilyno meññ lee, no ndoo xguîlriehñ yâme. Rioob yâme meññ, rtzoo yâme ni mos, rsahc yâme gyre meññ tohzy mdid, no nehx ne yâme meññ-tziaawy leeyâme nîcze nehx uliu.

1 JUAN 5:20

Per nann nó Xiiñ Dioz biahd me, bdee me nó guîlbyniꞌ lehdy gzaclo nó ni ulihbu lee Dioz; no nu nó no ni nac ni uli, leewe Xiiñ me Jesucrist. Leeme we ni ulihbu Dioz, no leeme we ni rdee guîlmbahñ ni nehx zluhx.