MATEO 19:7 - Zapotec Guevea de Humboldt New Testament

⁷ Ra meññ-nac yahc fariseu Jesúz: ―Were, ¿bia nacu ne Moiséz beeiy gzaa mpyquie to guehtzy ni gynii ba ptzily me guîltziahl, no gdee meu tziahl me, no luxu csaꞌn me lee?

MATEO 19:7 Iomraidhean Croise

MATEO 1:19

José naꞌ, mpyquie-tziaawy leeme, no hor-gunn me ba nu Maríe de xcuidad, nehx riuꞌladzy me ntzoo me ni nistuꞌ Maríe; leewe gucladzy me nsaꞌn me lee ngaꞌdzy gá lehdy ndruhty nehx ñann.

MATEO 19:6

No leewe, ba dac‑e chohp meññ leeyâme, mazyg ba beeiy gahc tohzy meññ‑e leeyâme. Leezuwe, ni ba ptzoo Dioz lee tohzy, di ctzily ndruhty leeu.

MATEO 19:8

Ra Jesúz meññ-nac yahc fariseu: ―Bdee Moiséz ñahz rtzily laꞌd guîltziahl porni nahdy xguîlmbahñ laꞌd; per glo dze-güyaa guiedzylie, nehx ne Dioz ñahcu ze.

MATEO 5:31

’Zegahc ba xtze diaa guhc diidz: “Bâḻ nitisy mpyquie riuꞌladzy csaꞌn tziahl, beeiy gzaa me to guehtzy ni gynii ba ptzily me guîltziahl, no gdee me guetzy-rieꞌ tziahl me.”

MARCOS 10:4

Ra yâme Jesúz: ―Bdee Moiséz ñahz gzaa to mpyquie ni ba bidzña to guehtzy ni gynii ba ptzily me guîltziahl, no gdee meu tziahl me, no luxu csaꞌn me lee.