MATEO 19:21 - Zapotec Guevea de Humboldt New Testament

²¹ Ra Jesúz leeme: ―Bâḻ racladzyiꞌ di gydzial mbehty doḻ chehshiꞌ la, güya, ptoꞌ ni rahpiꞌ, no bdee xmedyu ycaꞌ meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

MATEO 19:21 Iomraidhean Croise

MATEO 16:24

Luxu ra Jesúz xmeññ me: ―Dxu racladzy gac dmeññaꞌ lee la, csaan gyre ni nahcsy ni nac, no gbooladzy xtâ xguîlmbahñ, no ctzoo ni ren.

MATEO 19:20

Ra mpyquie-caḻ leeme: ―Gyre nirieꞌ gatzon mod-ne glo nwiñaꞌ. ¿Bia sto gayaadzaꞌ?

MATEO 19:22

Hor-bieññ mpyquie-rieꞌ ni miꞌñ ziaꞌ lee ni ra Jesúz leeme, güyuꞌ me trixd za me, porni rahp me xtahl ni rsahc.

MATEO 19:28

Ra Jesúz leeyâme: ―Gapyaꞌ laꞌd ni uli, dze-gydzee gyre cos mod-nac, lee we dze-ba naa, Mpyquie-Pshahl Dioz Lee, dxien to ru mos ru ctzon guîlguxtisy to lo guîlbyniꞌ, were laꞌd ni nac dmeññaꞌ lee, zbia laꞌd zegahc tzipychop lgar ru ctzoo laꞌd guîlguxtisy, no güieꞌ laꞌd ni nac gyre meññ-ziaad de lo xfamily gydiby tzipychop xiiñ Isṟael.

MATEO 4:19

No ra Jesúz leeyâme: ―Lâ te náḻ laꞌd naa, no naa ctzon laꞌd meññ ni guidno zrieñ yahc ni gac dmeññaꞌ.

MATEO 5:48

Lâ ctzoo gyre cos xñahzu, beeiy gahc xTad laꞌd ni nu gybaa rtzoo xñahz gyre cos.

MATEO 8:22

Ra Jesúz leeme: ―Náḻiꞌ naa naꞌ; psaꞌn meññ-nac yahc beeiy mînguty ycaꞌdzy yâme xmeññ yâme ni ba guhty.

MATEO 9:9

Byruu Jesúz de uga za me sto lad, no bwieꞌ me to mpyquie ni le Mateu, dxie gacuquix mpuezd meññ. Were ra Jesúz leeme: ―Güde, náḻiꞌ naa. No biahs gahc Mateu, za me no Jesúz.

MARCOS 10:21

Byluxu bwiedzie Jesúz leeme no guîlndzi, no ra leeme: ―Nu to ni riaadziꞌ: güya, ptoꞌ gyre ni rahpiꞌ, no bdee xmedyu ycaꞌ meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, gbooladzyiꞌ xtâ xguîlmbahñiꞌ, no tzaꞌy no naa.

MARCOS 2:14

No lóni gadedy me naꞌ, bwieꞌ me Leví xiiñ Alfeu, dxie gacuquix mpuezd meññ. Were ra Jesúz leeme: ―Güde, náḻiꞌ naa. No biahs gahc Leví, za me no Jesúz.

MARCOS 8:34

No luxu pquee Jesúz riedz meññ gydibyno xmeññ me, no ra me leeyahc: ―Dxu racladzy gac dmeññaꞌ lee la, csaan gyre ni nahcsy ni nac, no gbooladzy xtâ xguîlmbahñ, no ctzoo ni ren.

LUCAS 12:33

Lâ ctoꞌ ni rahp laꞌd lehdy gacno laꞌd meññ-byzahby. No bâḻ ctzoo laꞌd ze la, rahc cuent gagutziaawy xmedy laꞌd‑e ru di znihtyu. No mod-wé galesytziaawy laꞌd ni ma rsahc xtâ gybaa ru nehx ziuxu no ru di zaḻ tzu meññ-gübaan o ñuꞌ mblaa gahgü leeu.

LUCAS 14:33

No mod-wé gahc‑e, dxu di ne csaꞌn gyre ni rahp, nehx beeiy gac me dmeññaꞌ.

LUCAS 16:9

’Per gapyaꞌ laꞌd, lâ ctzoo nirieꞌ: Lâ yquihñ guîlṟicü ni rahp laꞌd lo guiedzylie-rieꞌ par gap laꞌd xtahl mígü, lehdy hor-ba byreu no nehx rahp laꞌd mbehty neꞌ, per nu dxu gabiahz laꞌd lgar ru ba nehx zehty ndruhty.

LUCAS 18:22

Hor-bieññ Jesúz ni günii me we naꞌ, ra leeme: ―Per nu ziaꞌr to ni riaadziꞌ: güya, ptoꞌ gyre ni rahpiꞌ no bdee xmedyu meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

LUCAS 5:27

Luxu, byruu Jesúz, za me sto lad. Hor-gadedy me to lgar‑e naꞌ, bwieꞌ me to meññ-rguquix mpuezd, le Leví, dxie ru rtzoo dziiñ. Were ra Jesúz leeme: ―Güde, náḻiꞌ naa.

LUCAS 6:40

Ndruhty meññ-gazeedy ziaꞌ nehx ma ñann que xmuextr. Uli we zdzihñ dze-zann me beeiy gahc nann xmuextr me, per bâḻ cu ihqy me gyzeedy me.

LUCAS 9:23

Luxu, ra me gyre yâme: ―Dxu racladzy gac dmeññaꞌ lee la, csaan gyre ni nahcsy ni nac, no gbooladzy xtâ xguîlmbahñ, no ctzoo ni ren gyre dzé.

JUAN 10:27

Dmeññaꞌ ni zidguiahc beeiy xiily rieññ ni rnin, no rzacloꞌn leeyâme; no ru ba zunieeraꞌ, ba náḻ yâme naa.

JUAN 12:26

Dxu riuꞌladzy ctzoo dixtziñaꞌ, ctzoo ni ren; no ru tzun, wé we ziuꞌ dxu gatzoo dixtziñaꞌ. No dxu rtzoo dixtziñaꞌ, zguguia dTadaꞌ lee.

HECHOS 2:45

No rtoꞌ xtziiñ yâme no zrieñ ni rahp yâme, rguiiz yâme sahcu rcaꞌ meññ-rman ni gayaadz ni yquihñ.

HEBREOS 10:34

Bioob laꞌd meññ-nyagü lidzyguiib, no hor-güloo meññ gyre ni rahp laꞌd ptibladzy laꞌdu no guîlrxihly, porni nann laꞌd gybaa nu ni ma mos ni ycaꞌ laꞌd ni nehx ziuꞌ dzé gynihty.