MATEO 19:16 - Zapotec Guevea de Humboldt New Testament

¹⁶ Güya to mpyquie-ṟicü, no ra me Jesúz: ―Muextr, naa nannaꞌ meññ-tziaawy lii. ¿Bia ni mos ntzon lehdy ñapaꞌ guîlmbahñ ni nehx zluhx?

MATEO 19:16 Iomraidhean Croise

MATEO 19:15

No bylux pshob ña me chehsh mbiux, luxu byruu me de uga, no za me.

MATEO 19:26

Bwiedzie Jesúz leeyâme, no ra me: ―Nehx ñaḻ ntzoo meññ nirieꞌ; per no Dioz, gyreu we beeiy.

MATEO 19:29

No nitisy dxu psaꞌn xiryuꞌ, behtzy o baḻ, byzan, xtad, xmam, tziahl, xiiñ, o xilyu por naa la, Dioz zdee leeme diby gayuu vuelt ma xtahl, no ycaꞌ me guîlmbahñ ni nehx zluhx.

MATEO 25:46

No luxu meññ-rieꞌ yahc ni nac meññ-dirquihñ, ycaꞌ guîlné ni nehx zluhx; no meññ-tziaawy, wé tza ru ycaꞌ guîlmbahñ ni nehx zluhx.

JUAN 10:28

No naa gdedyaꞌ leeyâme guîlmbahñ ni nehx zluhx, no nehx znihty ni to yâme, no ndruhty nehx zboo leeyâme naa.

JUAN 12:25

Dxu ne ma rsahc xguîlmbahñ, zniꞌdyu; per dxu ne nehx rsahc xguîlmbahñ lo guiedzylie-rieꞌ no gzoob dtiidzaꞌ, nehx zniꞌdyu mazyg scaꞌ me guîlmbahñ ni nehx zluhx.

JUAN 3:15

lehdy gyre dxu gylíladzy naa, di znihty, mazyg gap me guîlmbahñ ni nehx zluhx.

JUAN 4:14

per dxu ñoo nzeꞌ ni gdedyaꞌ, nehx zibyguiat ssaagyladzy; porni leññ xguîlmbahñ me gdedyaꞌ ni zidguiahc beeiy nzeꞌ ni rda, no gacu guîlmbahñ ni nehx zluhx.

JUAN 5:39

Laꞌd ruuḻ laꞌd lo Guehtzy zaꞌgndzi ru queꞌ xtiidz Dioz, porni lou racladzy laꞌd gydzial laꞌd bia mód gap laꞌd guîlmbahñ ni nehx zluhx; no nîcze Guehtzy gahc ru queꞌ xtiidz Dioz rdee diidz de naa,

JUAN 6:47

Gapyaꞌ laꞌd ni uli, dxu gylíladzy naa, gap guîlmbahñ ni nehx zluhx.

JUAN 6:68

Ra Simoṉ-Pedr leeme: ―Señor, ¿per dxu we beeiy nisnaaḻ noꞌ lee? Diidz ni runoy meññ, leeu we zidno guîlmbahñ ni nehx zluhx.

HECHOS 16:30

No luxu, güloo me leeyâme lidzyguiib, no ra me: ―¿Bia mód ntzon par nlaan de lo guîlnadz ni ziaad?

ROMANOS 2:7

Zdee me guîlmbahñ ni nehx zluhx gyre meññ ni nehx rxiññladzy rtzoo ni nac xñahzû, no ni gabiahz cuguia Dioz lee, no glesyguia Dioz lee, no gdee Dioz lee guîlmbahñ ni nehx zdibylgaa;

ROMANOS 5:21

Leewe, sca-ze guîlquie ptzoo mdad lehdy güyuꞌ guîlguhty la, modé gahc laꞌy ni rdee Dioz, rtzoou mdad lehdy rdedy nó beeiy ni nehx nzahby guîlquie, no lehdy gap nó guîlmbahñ ni nehx zluhx por Jesucrist, ni rtzoo mdad nó.

1 TIMOTEO 1:16

No por leeu naa ni ma nac meññ-guîlquie, bioob Dioz naa, lehdy güieꞌ meññ de ni Jesucrist nehx pshacladzy me bioob me naa; no modé gahc‑e rioob me zrieñ lehdy ycaꞌ yâme guîlmbahñ ni nehx zluhx, bâḻ leeyâme gylíladzy yâme xtiidz Crist.

1 TIMOTEO 6:12

Bisnáḻ mod-rlídadzy nó xtâ ru beeiyu lii; di ctzadzñay guîlmbahñ ni nehx zluhx ni ba rahpiꞌ, porni par leeu Dioz pquee riedz lii, no güniiy ñaz-lo xtahl meññ mod-rlíladzyiꞌ Crist.

1 TIMOTEO 6:19

No mod-wé zgutziaawy yâme ni ulihbu rsahc ni nehx zre no ni zidguiahc beeiy to nieꞌ yuꞌ par dzé ni ziaad, no ycaꞌ yâme guîlmbahñ ni nehx zluhx.

TITO 1:2

no lehdy cuiahz yâme guîlmbahñ ni nehx zluhx. Dioz nehx risquiee, no xtâ ba ma xtze diaa bdee xtiidz me gdee me guîlmbañ-rieꞌ;

TITO 3:7

lehdy tedy nó beeiy ni nehx nzahby guîlquie porni güluꞌ xlaꞌy me nó, no were ycaꞌ nó guîlmbahñ ni nehx zluhx ni gabiaaz nó.

1 JUAN 1:2

Leeme we guîlmbañ-rieꞌ gahc. Bidtzu me neꞌ, no bwieꞌ noꞌ leeme, no rdee noꞌ diidz de leeme; no runo noꞌ diidz laꞌd lguia guîlmbañ-rieꞌ ni nehx zluhx ni güyuꞌ no Dioz ni nac dTad nó no ni güyuꞌ no noꞌ.

1 JUAN 2:25

No Crist ba bdee xtiidz me nó gdee me nó guîlmbahñ ni nehx zluhx.

1 JUAN 5:20

Per nann nó Xiiñ Dioz biahd me, bdee me nó guîlbyniꞌ lehdy gzaclo nó ni ulihbu lee Dioz; no nu nó no ni nac ni uli, leewe Xiiñ me Jesucrist. Leeme we ni ulihbu Dioz, no leeme we ni rdee guîlmbahñ ni nehx zluhx.

JUDAS 1:21

No di gyrusytzu laꞌd de lo xguîlndzi Dioz, leegâ gabiahz laꞌd dze-gdee Señor Jesucrist nó guîlmbahñ ni nehx zluhx, porni rioob me nó.