MATEO 16:21 - Zapotec Guevea de Humboldt New Testament

²¹ Glohdy dze-wé guzlo Jesúz, ra me xmeññ me rahp me de ni tza me Jerusaléṉ, no luxu mînguhl yahc ni nac guxtisy, no xjefy yahc bahl, no muextr ni ruuḻ yahc xleiy Moiséz, stzoo ssahc yâme leeme gyre gyzasy mód. No ra me zgaꞌdy yâme leeme, per lo tzonn dzé zbahñ me gyzac.

MATEO 16:21 Iomraidhean Croise

MATEO 12:40

Porni mod-güyuꞌ Jonáz tzonn dzé no tzonn guiaal leññ to mbaḻ ni modni xroꞌ, mod-wé gahc‑e naa, Mpyquie-Pshahl Dioz Lee, ziun leññ yu tzonn dzé no tzonn guiaal.

MATEO 16:22

Were güloo Pedr leeme diby lad, no guzlo ndush bia nacu rnii me ze, no gaya leeme: ―¡Dioz di ñahcladzy, Señor! ¡Nehx zahquiꞌ gyre mod-neꞌy!

MATEO 16:28

Gapyaꞌ laꞌd ni uli, nu lahd meññ-rieꞌ ni nu yahc neꞌ, nehx zehty sinn güieꞌ dze-naa, Mpyquie-Pshahl Dioz Lee, ba ziaḻaꞌ no rtzon mdad.

MATEO 17:12

Per naa gapyaꞌ laꞌd, Elíaz ba biahd me, no nehx bzaclo meññ leeme, mazyg ptzoo yâme leeme nitisy gucladzy yâme; no mod-wé gahc‑e ctzoo csahc yâme naa, Mpyquie-Pshahl Dioz Lee.

MATEO 17:9

Lóni gayaht yâme dahñ, ra Jesúz leeyâme: ―Na di gu laꞌd diidz lo ndruhty ni bwieꞌ laꞌd, xtâ glo naa, Mpyquie-Pshahl Dioz Lee, ba gübahñaꞌ de lahd mînguty.

MATEO 20:28

Xtâ naa, Mpyquie-Pshahl Dioz Lee, nehx biaḻaꞌ lo guiedzylie-rieꞌ lehdy gacno meññ naa; mazyg biaḻaꞌ lehdy gacnon leeyâme no gdedyaꞌ dguîlmbahñaꞌ, gatyaꞌ lehdy quixaꞌ gylaa xtahl meññ de lo guîlnadz ni ziaad.

MATEO 26:2

―Ba nann laꞌd, ba schohp dzé gayaadz par gac lni-Pascü; no naa, Mpyquie-Pshahl Dioz Lee, zdee meññ naa lo ña meññ-rdziadzyno naa no yquee yâme naa lo cruzy.

MATEO 26:47

Ganii ziaꞌ Jesúz ze, tohzy bydzihñ Jud, ni lee nac to lahd gydiby tzipychop xmeññ Jesúz, bydziñno me xtahl meññ ni zidno yahc spad no garrot ni pshahl xjefy yahc bahl no zrieñ mînguhl yahc ni nac guxtisy lahd meññ-Isṟael.

MATEO 27:12

No nîcze xjefy yahc bahl no zrieñ mînguhl yahc ni nac guxtisy, gyrehzy ganii yâme contr Jesúz, per nehx günii me mbehty.

MATEO 27:63

ra yâme leeme: ―Señor, bitsêlou noꞌ dze-mbahñ mbuxter-caḻ, ne me lo tzonn dzé de ni gaty me, gybahñ me sto.

MATEO 28:6

Nehx nu me neꞌ, leeme ba gübahñ, mod-günii me. Lâ te, güieꞌ laꞌd ru pcaꞌdzy yâme leeme.

MARCOS 8:31

No guzlo galuu Jesúz xmeññ me ra me, leeme we Mpyquie-Pshahl Dioz Lee no rahp me de ni tedy me xtahl guîlné, no zegahc mînguhl yahc ni nac guxtisy, no xjefy yahc bahl no muextr ni ruuḻ yahc xleiy Moiséz, zruu yâme contr leeme. No zgaꞌdy yâme leeme, per lo tzonn dzé zbahñ me gyzac.

MARCOS 9:12

Ra Jesúz leeyâme: ―Ni uli we leeu nier Elíaz‑e guiaad, no leeme guistziaawy gyreu. ¿No bia mód‑e naꞌ güyaa lo Guehtzy ru queꞌ xtiidz Dioz, de ni naa, Mpyquie-Pshahl Dioz Lee, zdeedyaꞌ xtahl guîlné no stzunéladzy meññ naa?

LUCAS 17:25

Per nier, rapaꞌ de ni tedyaꞌ gyrehzy ni nadz, no meññ-nu ni naꞌ squelo yâme naa.

LUCAS 24:46

no ra me: ―Ze we queꞌ lo Guehtzy, rahp Crist de ni gaty, no lo ni rionn dzé gybahñ me sto,

LUCAS 9:31

No guionn yâme zu to lo byni-ro, gayu yâme lguia de ni dziguiehty Jesúz Jerusaléṉ.