MATEO 16:11 - Zapotec Guevea de Humboldt New Testament

¹¹ ¿Bia nacu nehx rieññ laꞌd nehx ganin lguia paṉ, hor-ren laꞌd: “Gax lâ gann, na di ycaꞌ laꞌd xlevadur meññ-nac yahc fariseu no meññ-nac yahc saduceu”?

MATEO 16:11 Iomraidhean Croise

MATEO 16:1

Meññ-nac yahc fariseu no meññ-nac yahc saduceu bydzihñ yâme; no lehdy nwieꞌ yâme bia beeiy rtzoo Jesúz, günab yâme nluu me leeyâme to ni ngann ni nunzy Dioz beeiy rtzoo.

MATEO 16:12

No were bieññ yâme nehx gaya Jesúz leeyâme di ycaꞌ yâme xlevadur paṉ, mazyg gaya Jesúz leeyâme we, na di ycaꞌ yâme mod-rlíladzy no mod-rluu meññ-nac yahc fariseu no meññ-nac yahc saduceu.

MATEO 16:6

No ra Jesúz leeyâme: ―Gax lâ güieꞌ; lâ gap laꞌd no ni nac meññ-fariseu no ni nac meññ-saduceu, ni zidguiahc yahc beeiy levadur.

MATEO 3:7

Hor-bwieꞌ Juaṉ ziaad xtahl meññ-nac yahc fariseu no meññ-nac yahc saduceu par gyrôbnihs, ra me leeyâme: ―¡Laꞌd meññ-dirquihñ ni zidguiahc beeiy mbaḻbeedzy! ¿Dxu ra laꞌd beeiy gylaa laꞌd de lo xguîlné Dioz ni ziaad?

MARCOS 4:40

Byluxu ra Jesúz xmeññ me: ―¿Bia nacu zehdy rdzie laꞌd? ¿Nehx ziaꞌ rlíladzy laꞌd naa la?

MARCOS 8:15

Ra Jesúz leeyâme: ―Gax lâ güieꞌ; lâ gap laꞌd no ni nac meññ-fariseu no ni nac Herody, ni zidguiahc yahc beeiy levadur.

MARCOS 8:21

Were ra me leeyâme: ―¿Nehx ziaꞌ rieññ laꞌd la?

LUCAS 12:1

Lo gahc hor-wé guzlo bydohp mily no mily meññ ru zu Jesúz, lé raꞌñ saꞌ yâme. No guzlo ra me nier xmeññ me: ―Lâ gap laꞌd no ni nac meññ-fariseu, ni zidguiahc beeiy levadur; leeu we de ni ne yâme meññ-tziaawy leeyâme nîcze nehx uliu.

LUCAS 12:56

¡Laꞌd‑e ni ne meññ-tziaawy lee nîcze nehx uliu! Laꞌd rzaclo laꞌd xnahc za tiémp no ni rwieꞌ laꞌd leññ gybaa no lo guiedzylie. ¿Bia mód‑e naꞌ nehx rzaclo lo laꞌd ni gawieꞌ laꞌd gayahc neꞌ ni naꞌ?

JUAN 8:43

¿Bia nacu di raḻ guieññ laꞌd ni runon lad? Nehx rieññ laꞌd porni nehx riuꞌladzy laꞌd ni rnin.