MATEO 15:3 - Zapotec Guevea de Humboldt New Testament

³ Per Jesúz günabdiidz leeyâme: ―¿Bia nacu zegahc nehx rzobdiidz laꞌd ni rtzoo Dioz mdad ctzoo meññ, no ma náḻ laꞌd xcostumbr-guhl laꞌd?

MATEO 15:3 Iomraidhean Croise

MATEO 15:2

―¿Bia nacu nehx rtzoo xmeññiꞌ mod-ne xcostumbr dtadgul nó ni güyuꞌ yahc ba xtze? Porni nehx rguihby ña yâme mod-ne gahcu ctzoo meññ hor-ba dzictahgü yâme.

MATEO 15:4

Porni Dioz ne me: “Bzacbeeiy xtadiꞌ no xmamiꞌ”; no zegahc ne me: “Dxu gyniwaty lo xtad o lo xmam la, gaty yâme.”

MARCOS 7:13

No mod-wé we rteedy laꞌd ni ne Dioz ze gâsy no xcostumbr-guhl laꞌd ni cuaꞌ laꞌd glo ba xtze diaa, no luxu rteedy laꞌdu meññ-nu ni naꞌ. No rtzoo laꞌd zrieñ xtahl beeiy leegahcu.

COLOSENSES 2:23

Rluuw xñahzu mod-rieꞌ, sca mod-guîlnann‑e leeu, porni modni ngann par ctzoo meññ gyre mod-neu. Racladzyu xtahl guîlrzacbeeiy, no di cuguia meññ leegahc, no ctzoo csahc xcuerp yâme; per luxu nehx xñahzu, nehx riscuiahzu meññ de ni rtzoo yâme ni nahcsy ni nehzy ihqy yâme.

COLOSENSES 2:8

Gax lâ güieꞌ, di yquihly ndruhty laꞌd no guisquiee yâme laꞌd no xguîlriehñ meññ ni zidguiahc beeiy ni uli, per nehx rsahcu. Xguîlriehñ yâme, leeu we ni nac xcostumbr-guhl meññ, no zegahc ziaadu de ni rtzoo mdad leññ gybaa no lo guiedzylie, no nirieꞌ yahc nehx ziaadu de Crist.

TITO 1:14

no di guisnáḻ yâme cuent yahc ni güxiññ ihqy meññ-Isṟael, o ni rtzoo meññ mdad gac ni ba byrusytzu de lo ni nac ni uli.