MATEO 13:51 - Zapotec Guevea de Humboldt New Testament

⁵¹ Luxu günabdiidz Jesúz leeyâme: ―¿Rieññ laꞌd gyre nirieꞌ la? Ra yâme leeme: ―Rieññ noꞌ, Señor.

MATEO 13:51 Iomraidhean Croise

MATEO 13:11

Ra Jesúz leeyâme: ―Laꞌd, bdee Dioz lsenzy gann laꞌd ni nungaꞌdzy de ni rtzoo me mdad; per leeyâme la, yac.

MATEO 13:19

Meññ ni rieññ xtiidz Dioz no mod-rtzoo me mdad, no nehx nann yâme bia neu la, riahd bêndzab rboo leeu leññ xguîlmbahñ yâme. Ze we zidguiahc yâme beeiy ladzy ni biahb coo ñahz.

MATEO 13:50

no cu yâme meññ-dirquihñ leññ horn ru nu gue; uga guun yâme lé gahgü laiy yâme.

MATEO 13:52

Ra Jesúz leeyâme: ―Hor-to muextr ni ruuḻ xleiy Moiséz rzeedy me par gann me mod-rtzoo Dioz ni nu gybaa mdad, rahc yâme beeiy xbixwaan to yuꞌ ni gülutziaawy xtahl cos, no hortisy riuꞌladzy me, rboo me nicoby ni gülutziaawy me no zegahcu ni rahp me ba xtze.

MATEO 15:17

¿Nehx nann laꞌd la, gyre ni rahgü meññ zau leññ meññ, no luxu rruuw de xcuerp meññ?

MATEO 16:11

¿Bia nacu nehx rieññ laꞌd nehx ganin lguia paṉ, hor-ren laꞌd: “Gax lâ gann, na di ycaꞌ laꞌd xlevadur meññ-nac yahc fariseu no meññ-nac yahc saduceu”?

MATEO 24:15

’No leewe, ru güieꞌ laꞌd to xroꞌ ni nahcsy ni rniꞌdy, no zuw ru nda leññ idoró, lee we de ni günii profet-Daniel ba xtze (dxu ruuḻ guetzy-rieꞌ, guuḻu lehdy gann),

MARCOS 4:34

No mbehty nehx ra Jesúz leeyâme bâḻ di ñahcu pur ndaagü lo diidz; per ru ba lehzyme no xmeññ me, were ba rboxñahz me gyreu.

MARCOS 7:18

Ra me leeyâme: ―¿Zegahc nehx rieññ laꞌdu la? ¿Nehx nann laꞌd la, ni rahgü meññ nehx beeiy ñahcu guîlquie par leeyâme?

1 JUAN 5:20

Per nann nó Xiiñ Dioz biahd me, bdee me nó guîlbyniꞌ lehdy gzaclo nó ni ulihbu lee Dioz; no nu nó no ni nac ni uli, leewe Xiiñ me Jesucrist. Leeme we ni ulihbu Dioz, no leeme we ni rdee guîlmbahñ ni nehx zluhx.