MATEO 12:12 - Zapotec Guevea de Humboldt New Testament

¹² No, ¡ma rsahc to meññ‑e que to xiily! No leewe, xñahzu ctzoo meññ ni mos dze-risladzy meññ.

MATEO 12:12 Iomraidhean Croise

MATEO 10:31

No leewe, di gydzie laꞌd; ma rsahc laꞌd‑e que xtahl mayaañ.

MATEO 6:26

Lâ güieꞌ mayaañ ni rzîbydun lo mbeꞌ; nehx rtzoo maꞌ dziiñ ndziib maꞌ behch, ni nehx rtzoo maꞌ cüsech, ni nehx rgutziaawy maꞌ mbehty leññ daꞌwy; per xTad laꞌd ni nu gybaa rdee ni rahgü yâmaꞌ. ¡Dxiclé laꞌd, ma rsahc laꞌd‑e que mayaañ!

MARCOS 3:4

No günabdiidz Jesúz meññ-caḻ yahc, ra me: ―¿Bia beeiy ntzoo mu dze-risladzy meññ, ni mos la o ni nahcsy? ¿Nislaa mu to meññ de lo guîlguhty la, o ngaꞌdy mu leeme? Per di nnii yâme mbehty.

LUCAS 12:24

Lâ güieꞌ xnahc mbiahc nehx rtzoo maꞌ dziiñ ndziib maꞌ behch, ni nehx rtzoo maꞌ cüsech; no nehx rahp maꞌ daꞌwy, ni sto ru ngutziaawy maꞌ ni gahgü maꞌ; per leexyâmaꞌ we mbahñ, porni Dioz rdee ni rahgü yâmaꞌ. ¡Lê dxiclé laꞌd ma rsahc laꞌd‑e que mashiily!

LUCAS 14:1

To dze-risladzy meññ, güya Jesúz bictahgü me xiryuꞌ to meññ-guxtisy ni nac fariseu. No dxie zrieñ fariseu, galaꞌdzy leeme bia gynii me o bia ctzoo me.

LUCAS 6:9

Were ra Jesúz leeyâme: ―Gnabdiidzaꞌ laꞌd: ¿Bia beeiy ntzoo mu dze-risladzy meññ, ni mos la o ni nahcsy? ¿Nislaa mu to meññ de lo guîlguhty la, o ngaꞌdy mu leeme?