MATEO 11:6 - Zapotec Guevea de Humboldt New Testament

⁶ No dxu ñahc beeiy meññ ni nehx riatrxan de ni rlíladzy naa.

MATEO 11:6 Iomraidhean Croise

MATEO 13:21

per gumm zidguiahc yâme beeiy plant ni nehx günahzy lo yu zaꞌgndzi la, doozy dzé rtibladzy yâme; no hor-riahd xtahl ni nadz ni rdedy yâme, o rgultihp zrieñ meññ leeyâme por xtiidz Dioz, ba gahc rxiññladzy yâme.

MATEO 18:7

¡Baazy dzii meññ ni nu lo guiedzylie no gyre ni por xtoḻ riatrxan yâme lehdy ctzoo yâme guîlquie! Lo guiedzylie tzur ni por xtoḻ guiatrxan meññ, per ¡baazy dzii de meññ ni por xtoḻ guiatrxan zrieñ meññ!

MATEO 24:10

Dze-wé yahc xtahl meññ ni rlíladzy xtiidz Dioz ziatrxan, no zdee saꞌ yâme lo ña zrieñ meññ, no zdziadzyno saꞌ yâme.

MATEO 26:31

Hor-ba bydzihñ yâme, ra Jesúz leeyâme: ―Gyre laꞌd csaꞌn naa guial-rieꞌ; porni lo Guehtzy ru queꞌ xtiidz Dioz neu: “Igatyaꞌ mpyquie-gayahp xiily, no gyre xiily gyraꞌdz.”

MATEO 5:29

’No leewe, bâḻ to loꞌy rquihlyu lii ctzooy guîlquie la, güloo leeu, no psaabyu ziht de lii; beeiydí gynihty diby laꞌy ni nac xcuerpiꞌ, no ba dac tzaꞌy infiern nîcze nza gyre ni nac xcuerpiꞌ.

MARCOS 6:3

¿Dâs‑e leeme carpinter, xiiñ Maríe no behtzy Jacob, no José, no Jud, no Simóṉ la? ¿Dâs‑e neꞌ zegahc nu meññ-byzan me no nó la? No nehx bylaby yâme ni rnii Jesúz lé bydziadzyno yâme leeme.

LUCAS 2:34

Luxu, gülulaꞌy Simeóṉ leeyâme, no ra me Maríe, xmam Jesúz: ―Mdo-rieꞌ la, ziaad me we zidsiahb me xtahl meññ-Isṟael no zrieñ yâme zidlesy me lee, no zidluu me meññ bia ne Dioz, per xtahl yâme zdziadzyno leeme.

LUCAS 7:23

no dxu ñahc beeiy meññ ni rlíladzy naa no nehx rxiññladzy.

JUAN 16:1

’Gayapyaꞌ laꞌd nirieꞌ lehdy di yqueꞌladzy laꞌd mbehty.

JUAN 6:66

No glohdy dze-wé xtahl ni ba nac xmeññ me psaꞌn yâme leeme, no ba nehx ria yâme no leeme.

1 CORINTIOS 2:14

Dxu nehx rahp xiSpirt Dioz, nehx beeiy ñieññ ni ziaad de xiSpirt Dioz, porni par leeme didz-nwaty‑e leeu, no nehx zieññ meu, porni nunzy xiSpirt Dioz beeiy nshal lou.

GÁLATAS 5:11

Rman, bâḻ xtâ hôrrieꞌ lóni runon diidz meññ, ñapyaꞌ leeyâme: “Dioz ne me, rahp meññ de ni tzu señ lady” la, nehx ngultihp meññ-Isṟael naa we. Bâḻ ntzon ze la, nehx ndziaꞌdzy yâme hor-runon leeyâme lguia ni guhty Crist lo cruzy.

1 PEDRO 2:8

No zegahc lo Guehtzy ru queꞌ xtiidz Dioz neu: Zidguiahc me beeiy guie ni gyraḻ nieꞌ meññ, no guie ni csiahb meññ. Riahb yâme porni nehx rzobdiidz yâme ni günii Dioz. No rahp de ni gac yâme ze mod-ba nac diidz.