MATEO 11:4 - Zapotec Guevea de Humboldt New Testament

⁴ Were ra Jesúz leeyâme: ―Lâ tza, no lâ gu diidz lo Juaṉ gyre ni gawieꞌ laꞌd no ni gayieññ laꞌd.

MATEO 11:4 Iomraidhean Croise

MATEO 11:3

zignabdiidz yâme lee, ra yâme lee: ―¿Ulihbu lii ni nac diidz guiaad ni ne Dioz cshahl me lee la, o cuiaaz noꞌ zrieñ?

MATEO 11:5

Lâ ga leeme meññ-ngaḻ ba rwieꞌ, meññ-ndang ba rzeꞌ, meññ-gayudz lady riaḻ de xguîlguihdz, meññ-nguat ba rieññ, mînguty rbahñ, no meññ-pobr ba gayieññ xtiidz Dioz.

MATEO 15:30

Bydzihñ xtahl meññ ru dxie me, no zidno yâme meññ-ndang, meññ-ngaḻ, meññ-ngop, meññ-nrung ña o nrung nieꞌ, no xtahl zrieñ meññ-gayac-ure. Bistzihñ yâme lee ru dxie Jesúz, no psiaḻ me leeyâme.

MATEO 21:14

No gübigy meññ-ngaḻ no meññ-ndang ru zu Jesúz leññ idoró, no psiaḻ me leeyâme.

MATEO 8:3

Were pshob ña Jesúz chehsh me, no ra leeme: ―Naa racdadzyaꞌ csiaḻaꞌ lii. ¡Ba biaḻiꞌ we! Lux günii me ze, biaḻ gahc ni gayudz gydo lady mpyquie-caḻ.

JUAN 14:11

Lâ gylíladzy naa de ni nunon dTadaꞌ, no leeme nuno me naa; o bâḻ yac, lâ gylíladzy naa por gyre ni rtzon.

JUAN 5:36

Per naa rapaꞌ sto ni rdee diidz ni ma rsahc que ni bdee Juaṉ diidz. Naa rtzon ni ne dTadaꞌ ctzon, no leegahcu rdee diidz leeme pshahl naa.