MATEO 10:25 - Zapotec Guevea de Humboldt New Testament

²⁵ Meññ-rzeedy gyxilyno me dze-ba nann me beeiy gahc nann xmuextr me, no to mós gyxilyno me dze-ba rsahc me beeiy gahc xpatróṉ me. Bâḻ xtad meññ-nu to leññ yuꞌ ra yâme lee Bêndzab la, ¡lé dxi de xiiñ mpyquie-rieꞌ!

MATEO 10:25 Iomraidhean Croise

MATEO 12:24

Hor-bieññ meññ-nac yahc fariseu ni ganii meññ, ne yâme: ―Beelzebú, ni nac xjefy gyre mbenahcsy, racno leeme; leewe rboo me mbenahcsy meññ.

MATEO 12:27

Ne laꞌd rboon mbenahcsy porni racno Beelzebú naa; no bâḻ ze leeu la, ¿dxu racno xmeññ laꞌd lehdy gboo yâmeu zegahc? No leewe, leegahc yâme rdee diidz nehx xñahzu ni rnii laꞌd.

MATEO 9:34

Per meññ-nac yahc fariseu ne yâme: ―Mpyquie-rieꞌ beeiy rboo me mbenahcsy meññ, porni bêndzab gahc‑e ni rtzoo mdad gyre mbenahcsy, racno leeme.

MARCOS 10:39

Ra yâme leeme: ―Beeiyu noꞌ. Ra Jesúz leeyâme: ―Ni dzictedyaꞌ no gzacnon lee, ni uli zegahc dzictedy laꞌdu; no ni ma nadz ni dzictedyaꞌ, zegahc dzictedy laꞌdu;

MARCOS 3:22

No zegahc dxie xtahl muextr ni ruuḻ xleiy Moiséz ni byruu yahc Jerusaléṉ, ne yâme: ―Beelzebú, ni nac xjefy gyre mbenahcsy, nuno leeme; wé racno leeme lehdy rboo me mbenahcsy meññ.

LUCAS 11:15

Per zrieñ yâme ne: ―Mpyquie-rieꞌ beeiy rboo me mbenahcsy meññ, porni Beelzebú, ni nac xjefy gyre mbenahcsy, racno leeme.

LUCAS 11:18

No zegahc‑e, bâḻ bêndzab nruu me chehsh gahcme la, ¿bia mód‑e naꞌ beeiy ñahc ni nnii me? Ren ze, porni ne laꞌd Beelzebú, wé we racno naa lehdy rboon mbenahcsy meññ.

LUCAS 11:19

Per bâḻ uliu rboon mbenahcsy porni racno Beelzebú naa la, ¿dxu racno xmeññ laꞌd lehdy gboo yâmeu zegahc? No leewe, leegahc yâme rdee diidz nehx xñahzu ni rnii laꞌd.

JUAN 10:20

Xtahl lahd yâme ne: ―Nu mbenahcsy leeme, leewe nguidz ihqy me. ¿Bia nacu rquee ihqy laꞌd ni ganii me?

JUAN 7:20

Ra yâme leeme: ―¡Mbenahcsy‑e nu lii, rniiy cuentz! ¿Dxu riñlo igaꞌdy lii?

JUAN 8:48

Were ra meññ-Isṟael yahc leeme: ―Ni uli we rnii noꞌ, lii nehx naquiꞌ dmeññ noꞌ, meññ-samaritan lii, no nu mbenahcsy lii.

JUAN 8:52

Ra meññ-Isṟael leeme: ―Hôrrieꞌ were ba bzaclo noꞌ nu mbenahcsy lii. Braṉ no zrieñ profet guhty yâme; no naꞌ lii neꞌy: “Dxu gzoob xtiidziꞌ nehx znihty.”