LUCAS 9:58 - Zapotec Guevea de Humboldt New Testament

⁵⁸ Ra Jesúz leeme: ―Mbiaz rahp xcuev yahc maꞌ, no zegahc mashiily rahp xguehsh yahc maꞌ; per naa, Mpyquie-Pshahl Dioz Lee, nehx rapaꞌ ru rdzíen.

LUCAS 9:58 Iomraidhean Croise

MATEO 13:32

No leeu we ni ma nwiñ ladzy de gyre ladzy yahc ni rdziib meññ; per ru ba byniꞌzyu, rahcu ma xroꞌ que zrieñ ni rbib lo lyu, no rahcu beeiy to yagmble-ro, xtâ no riahd ma-rzîbydun yahc, rid-zaa xguehsh maꞌ lo xṟamu.

MATEO 8:20

Ra Jesúz leeme: ―Mbiaz rahp xcuev yahc maꞌ, no zegahc mashiily rahp xguehsh yahc maꞌ; per naa, Mpyquie-Pshahl Dioz Lee, nehx rapaꞌ ru rdzíen.

2 CORINTIOS 8:9

Porni ba nann laꞌd xlaꞌy Jesucrist ni rtzoo mdad nó; nîcze ṟicü leeme gybaa, psaꞌn me leeu no guhc me pobr por laꞌd dze-biahd me lo guiedzylie, lehdy por xguîlpobr me gac laꞌd ṟicü leññ xguîlmbahñ laꞌd lo Dioz.

SANTIAGO 2:5

Dirmanaꞌ ni ndzin leeyahc, lâ guieññ nirieꞌ: Dioz güle me meññ-pobr lo guiedzylie-rieꞌ lehdy gac yâme ṟicü de ni gylíladzy yâme Dioz, no lehdy ycaꞌ yâme to lgar-mos ru rtzoo Dioz mdad ni gdee me ycaꞌ meññ ni rzacbeeiy leeme.