LUCAS 9:56 - Zapotec Guevea de Humboldt New Testament

⁵⁶ Dac‑e pshahl Dioz naa lo guiedzylie par zidnityaꞌ meññ. Pshahl me naa we par guislaan leeyâme. Luxu, güdedyñahz gahc yâme, za yâme sto guiedzy.

LUCAS 9:56 Iomraidhean Croise

MATEO 18:10

’Na di gboo laꞌd diby lad ni to lahd mbiuxyañ-rieꞌ; porni gapyaꞌ laꞌd, ángel yahc ni rwieꞌ leeyâme tirgahc nu yâme gybaa ru nu dTadaꞌ.

MATEO 18:11

No naa, Mpyquie-Pshahl Dioz Lee, biaḻaꞌ neꞌ lehdy gylan ni ba rahc cuent ba bynihty.

MATEO 20:28

Xtâ naa, Mpyquie-Pshahl Dioz Lee, nehx biaḻaꞌ lo guiedzylie-rieꞌ lehdy gacno meññ naa; mazyg biaḻaꞌ lehdy gacnon leeyâme no gdedyaꞌ dguîlmbahñaꞌ, gatyaꞌ lehdy quixaꞌ gylaa xtahl meññ de lo guîlnadz ni ziaad.

MATEO 5:39

Per naa gapyaꞌ laꞌd: Di yquelo laꞌd meññ ni rtzoo ni nadz; bâḻ cap yâme lad-drech lo laꞌd, lâ gdee ñahz cap yâme sto ladu zegahc.

LUCAS 19:10

Naa, Mpyquie-Pshahl Dioz Lee, zidyobyaꞌ meññ ni rahc cuent ba bynihty par guislaan leeyâme de lo guîlnadz ni ziaad.

LUCAS 22:51

Were ra Jesúz leeyâme: ―¡Zî-nu yâme! Ba niwéhzy. No güdan Jesúz ru byrug gydiag mpyquie-wé no biaḻ gahcu.

LUCAS 23:34

Were günino Jesúz Dioz, ra me lee: ―Dad, psiaaḻladzyiꞌ xguîlquie yâme. Porni nehx nann yâme bia gatzoo yâme. No luxu, güdiiz soldad yahc shab Jesúz, güloo yâme suert lehdy bwieꞌ yâme dxu xlad guiaꞌn cad tohbyu.

LUCAS 9:55

Were bwiedzie Jesúz lo yâme no byduhsh lo yâme, ra me: ―Nehx nann laꞌd dxu gaquihly laꞌd gynihd ze.

LUCAS 9:57

Hor-za yâme lo ñahz‑e naꞌ, byruu to mpyquie, ra me Jesúz: ―Lii ni rtzoo mdad, tzan no lii rutisy tzaꞌy.

JUAN 10:10

’Gübaan riahd me par cuan me, no igaꞌdy me, no gnidylo me meññ; per naa ziaḻaꞌ lehdy gdedyaꞌ laꞌd guîlmbahñ ni nehx zluhx, no lehdy di guiaadz mbehty ni mos leññ xguîlmbahñ laꞌd.

JUAN 12:47

Per dxu rieññ dtiidzaꞌ no nehx ctzoo mod-neu, dac‑e naa ni ctzoo guîlguxtisy chehsh yâme; porni dac‑e biaḻaꞌ par gnityaꞌ meññ lo xguîlquie, mazyg biaḻaꞌ we par guislaan leeyâme de lo guîlnadz ni ziaad.

JUAN 3:17

Dioz nehx pshahl Xiiñ me lo guiedzylie lehdy gniꞌdy me meññ lo xguîlquie, mazyg lehdy guislaa me meññ de lo guîlnadz ni ziaad.

ROMANOS 12:21

Di gdeedyiꞌ ñahz ni dirquihñ ctzoou gan lii, mazyg ptzoo ni mos, lehdy ctzooy gan gyruu ni dirquihñ.

1 TIMOTEO 1:15

Nirieꞌ ni uli we leeu, no racladzyu gyre meññ gylíladzy leeu: Crist Jesúz biahd me lo guiedzylie lehdy guislaa me meññ-guîlquie de lo guîlnadz ni ziaad. No de lo gyre meññ la, naa ma nac meññ-guîlquie.