LUCAS 9:51 - Zapotec Guevea de Humboldt New Testament

⁵¹ Dze-ba bydziñgahsh ni gybiꞌ Jesúz gybaa, ba nu ihqy me tza me Jerusaléṉ.

LUCAS 9:51 Iomraidhean Croise

MARCOS 16:19

Jesúz ni rtzoo mdad naꞌ, bylux günino me xmeññ me, biahs me zia me gybaa, no gürie me coo Dioz lad-drech.

LUCAS 12:50

Rapaꞌ de ni tedyaꞌ to ni nadz. Por leeu we modni gazacnon hôrrieꞌ no xtâ hor-ba bylux güdeedyaꞌ leeu.

LUCAS 13:22

Güdedy Jesúz xtahl ciuda no xtahl guiedzy, galuu me meññ xtiidz Dioz, lóhgni za me Jerusaléṉ.

LUCAS 17:11

Lóni za Jesúz Jerusaléṉ, güdedy me ru ndziaalu ṟegioṉ-Samary no ṟegioṉ-Galilea.

LUCAS 18:31

Güloo Jesúz gydiby tzipychop xmeññ me diby lad, ra me lee: ―Ba tzo nó Jerusaléṉ, no uga dziguiahc gyre ni bzaa profet ba xtze de naa, Mpyquie-Pshahl Dioz Lee.

LUCAS 19:11

Lóhgni gayieññ meññ ganii Jesúz mod-wé, guzlo günino me leeyâme ndaagü lo diidz sto, porni ba bydziñgahsh me Jerusaléṉ, no porni nlâdzyx meññ nwieꞌ gahc yâme gyre mod-rtzoo Dioz mdad.

LUCAS 19:28

Bylux günii Jesúz niwé, byruu me, za me Jerusaléṉ.

LUCAS 24:51

Lóni gaguꞌ me laꞌy leeyâme, biahs me zia me gybaa.

LUCAS 9:57

Hor-za yâme lo ñahz‑e naꞌ, byruu to mpyquie, ra me Jesúz: ―Lii ni rtzoo mdad, tzan no lii rutisy tzaꞌy.

JUAN 13:1

Antzy ni gydzihñ lni-Pascü, Jesúz nann me ba bydzihñ dzé ni gyruu me guiedzylie-rieꞌ no gybiꞌ me ru nu xTad me. No leeme bintzi me xmeññ me ni nu lo guiedzylie, mod-wé gahc ndzi me leeyâme xtâ glo dze-guhty me.

JUAN 16:28

Ru nu dTadaꞌ byruun biaḻaꞌ guiedzylie, no ba csanaꞌ guiedzylie lehdy guibyguiataꞌ ru nu me.

JUAN 16:5

Per hôrrieꞌ tzan ru nu dTadaꞌ ni pshahl naa, no ndruhty de laꞌd nehx rnabdiidz naa bá tzan;

JUAN 17:11

’Naꞌ ba nehx ziun lo guiedzylie; per leeyâme ziuꞌr yâme lo guiedzylie; no naa tzan ru nuy. Dad, nehx nu ndruhty beeiy lii, bwieꞌ dmeññaꞌ no xpoderiꞌ ni bdeedyiꞌ naa, lehdy gap yâme tohzy guîlriehñ beeiy gahc nó.

JUAN 6:62

Naꞌz naꞌ, ¿bia nnii laꞌd bâḻ nwieꞌ laꞌd naa, Mpyquie-Pshahl Dioz Lee, guiasaꞌ zian gybaa sto ru güyu gahcaꞌ?

HECHOS 1:2

no xtâ glo dzé ni biahs me, zia me gybaa. Dze-nu ziaꞌr me lo guiedzylie, güle me meññ ni guhc x‑apóstl me, no gucno Spirt-Sant leeme par bluu me meññ-wé yahc bia ne me ctzoo yâme.

HECHOS 1:9

Byluxz bieno me diidz leeyâme modé, lóhgni gawieꞌ yâme leeme, biahs me zia me gybaa, güyuꞌ me leññ to zá no ba di nwieꞌr yâme leeme.

EFESIOS 1:20

No por leeu bispahñ me Crist de lahd mînguty, no gülahqy me lee coo me gybaa lad-drech,

FILIPENSES 3:14

No modé gatzon par gydzihñaꞌ ru zan lehdy ycan ni guiscady Dioz xmeññ Crist Jesúz gybaa, ni par lee gaquee me riedz nó.

1 TIMOTEO 3:16

Nehx nu ni nqueꞌladzy meññ de ni xroꞌ we guîlrzacbeeiy ni güyungaꞌdzy ni bluu Dioz nó: Crist biahd me, guhl me lo guiedzylie, bluu Spirt-Sant nehx nzahby me guîlquie, no bwieꞌ ángel yahc leeme. Xmeññ me bigyuno xtiidz me meññ-gyre nacióṉ, no byzaꞌzy lo guiedzylie bylíladzy xtahl meññ leeme, no zia me gybaa gyzac lo guîlbyniꞌ.

HEBREOS 12:2

Yquee dihqy nó Jesúz, de leeme ziaad de ni rlídadzy nó Dioz, no leeme we rtzoo par gylídadzy nó ma zaꞌgndzi. Jesúz naꞌ, güdedy me ni nadz lo cruzy, no nehx güluꞌ ihqy me guîlguty-nadz ni nac to guîlrtuꞌ ni güdedy me, porni nann me gylux tedy me ni nadz gyxihly me; no gürie me lad-drech coo Dioz ru rtzoo mdad.

HEBREOS 6:20

ru güyuꞌ Jesúz par pshal me ñahz par nó, no bydzihñ guhc me bahl ni nac jefy togahcs beeiy gahc Melquisedec.

1 PEDRO 3:22

ni zia gybaa no dxie coo Dioz lad-drech, no Crist rtzoo mdad gyre ángel, no zrieñ ni nu leññ gybaa ni rtzoo mdad no ni rahc ni rnii.