LUCAS 9:5 - Zapotec Guevea de Humboldt New Testament

⁵ No ru di ne yâme gdee ñahz gydzihñ laꞌd, lâ gyruu de uga no lâ cuihby yudé ni queꞌ nieꞌ laꞌd, lehdy gann yâme ni nahcsy‑e ptzoo yâme porni di ntzucas yâme laꞌd.

LUCAS 9:5 Iomraidhean Croise

MATEO 10:18

no tziyno yâme laꞌd lo gobernador no lo ṟeiy porni nac laꞌd dmeññaꞌ; mod-rieꞌ beeiy guno laꞌd dtiidzaꞌ leeyâme no zegahc meññ-nehx meññ-Isṟael.

MARCOS 6:11

No bâḻ to guiedzy di gdee ñahz gydzihñ laꞌd no di ne yâme guieññ ni ru laꞌd la, lâ gyruu de uga no lâ cuihby yudé ni queꞌ nieꞌ laꞌd, lehdy gann yâme ni nahcsy‑e ptzoo yâme porni di ntzucas yâme laꞌd. Gapyaꞌ laꞌd ni uli, dze-gac xguîlnadz Dioz, ma xchoꞌ guîlné ni gabiahz meññ-guiedzy-wé que meññ-Sodom no meññ-Gomorr.

MARCOS 9:37

―Bâḻ dxuhch, porni rzobdiidz naa, gacno to beeiy mbiux-rieꞌ la, scâsy ñacno yâme naa we; no dxu ycaꞌ dtiidzaꞌ la, dac‑e dtiidzaꞌ gacáꞌ yâme, mazyg gacáꞌ yâme xtiidz Dioz ni pshahl naa.

LUCAS 10:16

Were ra me xmeññ me ni cshahl me lee: ―Dxu yquee ihqy xtiidz laꞌd la, dtiidzaꞌ we rquee ihqy yâme. No dxu rruu contr laꞌd la, contr naa we rruu yâme. No dxu rruu contr naa la, contr Dioz ni pshahl naa we rruu yâme.

LUCAS 5:14

Were ra Jesúz leeme: ―Na di guyu lo ndruhty; mazyg güya lo bahl lehdy güieꞌ me ba biaḻiꞌ, no güiyno gun ni gu Moiséz meññ, lehdy gann yâme ba biaḻiꞌ de xguîlguihdziꞌ.

LUCAS 9:4

Yuꞌ ru gydzihñ laꞌd, uga lâ tzu xtâ glo gyruu laꞌd leññ guiedzy-caḻ.

LUCAS 9:48

Luxu, ra me leeyâme: ―Bâḻ dxuhch, porni rzobdiidz naa, gacno me mbiux-rieꞌ la, scâsy ñacno yâme naa we. No dxu ycaꞌ dtiidzaꞌ la, gacáꞌ yâme xtiidz Dioz ni pshahl naa. Porni lahd laꞌd dxu nehx rguguia leegahc la, wé we ni ma rsahc.

HECHOS 13:51

Luxu güdzihby yudé nieꞌ Pabl no Bernabé beeiy to señ de ni nahcsy‑e gatzoo meññ-uga. No luxu za yâme sto ciuda ni le Iconio.

HECHOS 18:6

Per leeyâme aaḻ bydziaꞌdzy yâme, byruu yâme contr leeme. Niwé bwieꞌ me, cuaꞌ shab me güdzihby me yudé lee, guhcu to señ ba csaꞌn me leeyâme, no ra me: ―Naꞌ, ba laꞌd‑e rahp doḻ bâḻ gynihty laꞌd. Naa ba nehx nu mbehty dcheshaꞌ, ba gubychie ni nac dcuentaꞌ we. Glohdy ngâstoo were ba tzan ru nu meññ-nehx meññ-Isṟael.