LUCAS 9:44 - Zapotec Guevea de Humboldt New Testament

⁴⁴ ―Lâ guieññ zaꞌgndzi ni dziguiapyaꞌ laꞌd. Naa Mpyquie-Pshahl Dioz Lee; zdee dxuhch naa lo ña meññ-rdziadzyno naa.

LUCAS 9:44 Iomraidhean Croise

MATEO 16:21

Glohdy dze-wé guzlo Jesúz, ra me xmeññ me rahp me de ni tza me Jerusaléṉ, no luxu mînguhl yahc ni nac guxtisy, no xjefy yahc bahl, no muextr ni ruuḻ yahc xleiy Moiséz, stzoo ssahc yâme leeme gyre gyzasy mód. No ra me zgaꞌdy yâme leeme, per lo tzonn dzé zbahñ me gyzac.

MATEO 26:2

―Ba nann laꞌd, ba schohp dzé gayaadz par gac lni-Pascü; no naa, Mpyquie-Pshahl Dioz Lee, zdee meññ naa lo ña meññ-rdziadzyno naa no yquee yâme naa lo cruzy.

MARCOS 8:31

No guzlo galuu Jesúz xmeññ me ra me, leeme we Mpyquie-Pshahl Dioz Lee no rahp me de ni tedy me xtahl guîlné, no zegahc mînguhl yahc ni nac guxtisy, no xjefy yahc bahl no muextr ni ruuḻ yahc xleiy Moiséz, zruu yâme contr leeme. No zgaꞌdy yâme leeme, per lo tzonn dzé zbahñ me gyzac.

MARCOS 9:31

porni galuu me xmeññ me, no ra me leeyâme: ―Naa Mpyquie-Pshahl Dioz Lee; zdee dxuhch naa lo ña meññ-rdziadzyno naa, no zgaꞌdy yâme naa, per lo tzonn dzé zbahñaꞌ gyzac.

LUCAS 1:66

No gyre meññ ni gayieññ ni ganii yâme, ganii leññ ihqy yâme, no ne yâme: ―¿Dxuhx‑e gac mdo-rieꞌ? Ne yâme ze, porni neññ ulihbu nu Dioz no leeme.

LUCAS 18:31

Güloo Jesúz gydiby tzipychop xmeññ me diby lad, ra me lee: ―Ba tzo nó Jerusaléṉ, no uga dziguiahc gyre ni bzaa profet ba xtze de naa, Mpyquie-Pshahl Dioz Lee.

LUCAS 2:19

No Maríe naꞌ, güdahp me gyre niwé leññ ihqy me no leññ xguîlmbahñ me.

LUCAS 2:51

Were gubyguiatno me leeyâme, zia yâme Nasaret gyzac. No rzoob me xtiidz yâme. Maríe naꞌ, gyre niwé gayaꞌn leññ ihqy me.

LUCAS 24:44

No ra me: ―Ni guhcaꞌ la, lee we ni ren laꞌd dze-nun no laꞌd: Gutzyaꞌ laꞌd gyre ni ganii de naa ni queꞌ lo xleiy Moiséz no ni queꞌ lo guehtzy ni bzaa zrieñ profet no ni ziaad lo libr-Salm, rahpu de ni gac mod-neu.

LUCAS 9:22

no ra me: ―Naa, Mpyquie-Pshahl Dioz Lee, rapaꞌ de ni tedyaꞌ xtahl guîlné; mînguhl yahc ni nac guxtisy, no xjefy yahc bahl, no muextr ni ruuḻ yahc xleiy Moiséz zruu yâme contr naa no zgaꞌdy yâme naa; per lo tzonn dzé zbahñaꞌ gyzac.

JUAN 16:31

Ra Jesúz leeyâme: ―¿Hôrrieꞌ were rlíladzy laꞌd la?

JUAN 16:4

Ren laꞌd nirieꞌ lehdy dze-ba gayahcu, guitsêlou laꞌd ba renu laꞌd‑e. ’Nehx gutzyaꞌ laꞌd nirieꞌ antzy, porni nu ziaꞌraꞌ no laꞌd.

JUAN 19:11

Were ra Jesúz leeme: ―Mbehty nehx beeiy ntzooy naa, bâḻ dac gybaa byruu diidz; no leewe, dxu bidno naa loꞌy, ma xroꞌ guîlquie rahp.

HECHOS 2:23

Per Dioz ba gahc nann me bia dziguiahc Jesúz, bdee me ñahz günahzy laꞌd leeme, no guhc ni ba ne me gac. No ru ba nu Jesúz lo ña laꞌd, gucno meññ-dirquihñ laꞌd pquehd leeme lo cruzy. No mod-wé bgaꞌdy laꞌd leeme.

HEBREOS 2:1

No leewe rquihñu ma yquee dihqy nó didz-uli ni ba bieññ nó, lehdy di gynityxñahz nó.