LUCAS 8:50 - Zapotec Guevea de Humboldt New Testament

⁵⁰ Hor-bieññ Jesúz mod-ne meññ-bidne, were ra me Jair: ―Di gydziehbyiꞌ. Ni gylíhzyladzyiꞌ, ba gahc biaḻ xindzabdxuuriꞌ we.

LUCAS 8:50 Iomraidhean Croise

MARCOS 5:36

Per nehx bylaby Jesúz ni ne yâme, ra me mpyquie-wé ni le Jair: ―Di gydziehbyiꞌ; bylíhzyladzyiꞌ.

MARCOS 9:23

Ra Jesúz leeme: ―Bâḻ beeiyu lii gylíladzyiꞌ la, gyreu we beeiy no meññ ni rlíladzy naa.

LUCAS 8:48

Were ra Jesúz leeme: ―Shiꞌñ, porni rlíladzyiꞌ naa, leewe biaḻiꞌ. Zaꞌgru güya naꞌ.

LUCAS 8:51

Hor-bydzihñ Jesúz xiryuꞌ Jair, nehx bdee me lgar ñuꞌ zrieñ miꞌñ leññ yuꞌ no leeme, nunzy Pedr, no Jacob, no Juaṉ, no xtad no xmam ndzabdxuur.

JUAN 11:25

Were ra Jesúz leeme: ―Naa we ni rispahñ mînguty, no naa we ni rdee guîlmbahñ ni nehx zluhx. Dxu rlíladzy naa, nîcze gaty, per zbahñ gyzac.

JUAN 11:40

Ra Jesúz leeme: ―¿Dâs ba ren lii bâḻ gylíladzyiꞌ la, zwieꞌy xroꞌ ni rtzoo Dioz‑e?

ROMANOS 4:17

mod-rnii lo Guehtzy ru queꞌ xtiidz Dioz: “Ptzon lii beeiy xtad meññ-xtahl nacióṉ.” Nirieꞌ we Dioz ni bylíladzy Braṉ lee, Dioz ni rispahñ mînguty, no ni rnii ni gac ziaꞌr beeiy ni ba guhc.

ROMANOS 4:20

No nehx cueꞌladzy me diidz ni bdee Dioz leeme, mazyg ma bylíladzy me lee, no modé ma bzacbeeiy me Dioz;