LUCAS 8:25 - Zapotec Guevea de Humboldt New Testament

²⁵ Were ra me xmeññ me: ―¿Bia nacu di rlíladzy laꞌd naa? Per aaḻ bydzie yâme Jesúz, porni bwieꞌ yâme rtzoo me ni nehx beeiy rtzoo meññ, no guzlo ganabdiidz saꞌ yâme, ne yâme: ―¿Dxuz‑e leeme mpyquie-rieꞌ? ¡Xnahc‑e xtâ mbedun no nisdoo rzoob xtiidz me!

LUCAS 8:25 Iomraidhean Croise

MATEO 14:31

Were günahzy gahc Jesúz ña me, no ra leeme: ―¡Lii uxiee rlíladzyiꞌ! ¿Bia nacu cueꞌladzyiꞌ?

MATEO 17:20

Ra Jesúz leeyâme: ―Porni uxiee rlíladzy laꞌd; gapyaꞌ laꞌd ni uli, bâḻ nlíladzy laꞌd nîcze doozy, beeiy ña laꞌd dañ-wé: “Byruu de neꞌ, bicchie sto lad”, no dahñ nruuw; no mbehty nehx ñacngann par laꞌd.

MATEO 6:30

Bâḻ Dioz ristziaawy me guix, ni dzêrieꞌ nu lo camp no cshe yqueꞌ gue lee leññ horn, ¡dxiclé laꞌd, ma gdee Dioz ni yquihñ laꞌd‑e, nîcze uxiee rlíladzy laꞌd leeme!

MATEO 8:10

Hor-günii capitáṉ ze, ptzunadz Jesúz, no ra me meññ-náḻ leeme: ―Gapyaꞌ laꞌd ni uli, ni to lahd meññ-Isṟael nehx bydzialaꞌ meññ ni rlíladzy beeiy mpyquie-rieꞌ.

MATEO 8:26

Ra me xmeññ me: ―¿Bia nacu zehdy rdzie laꞌd? ¿Nehx ziaꞌ rlíladzy laꞌd naa la? Byluxz günii me ze, biahs me, ptzoo me mdad güyudzie mbeꞌ no nisdoo; no gyreu güyuꞌ dzie.

MARCOS 4:35

Dze-caḻ gahc ru ba gayuꞌ guiaal ra Jesúz xmeññ me: ―Tedy nó stiby chehsh nisdo-Galilea.

LUCAS 12:28

Per bâḻ Dioz ristziaawy me guix, ni dzêrieꞌ nu lo camp no cshe yqueꞌ gue lee leññ horn, ¡lê dxiclé laꞌd, ma rguꞌ ihqy Dioz laꞌd‑e, nîcze uxiee rlíladzy laꞌd leeme!

LUCAS 8:24

Were psiuꞌ yâme lo Jesúz, ra yâme leeme: ―¡Muextr! ¡Nó ba gayaꞌb! Were biahs Jesúz, ra me mbeꞌ no x‑oḻ nisdoo: ―¡Lâ tzudzie! Güliahz gahc mbedun, no gyreu güyuꞌ dzie.

LUCAS 8:26

Byruu yâme lo ṟegioṉ-Galilea, bydzihñ yâme stiby chehsh nisdoo lo xilyu meññ-gadaren.

JUAN 11:40

Ra Jesúz leeme: ―¿Dâs ba ren lii bâḻ gylíladzyiꞌ la, zwieꞌy xroꞌ ni rtzoo Dioz‑e?