LUCAS 8:11 - Zapotec Guevea de Humboldt New Testament

¹¹ ’Nirieꞌ we ni rnii ni günin ndaagü lo diidz: Ladzy trigü zidguiahc beeiy xtiidz Dioz.

LUCAS 8:11 Iomraidhean Croise

MATEO 13:18

’Lâ guieññ bia rnii ni günin ndaagü lo diidz lguia mpyquie-bicchaꞌdz ladzy trigü lehdy gylahñu:

MATEO 13:19

Meññ ni rieññ xtiidz Dioz no mod-rtzoo me mdad, no nehx nann yâme bia neu la, riahd bêndzab rboo leeu leññ xguîlmbahñ yâme. Ze we zidguiahc yâme beeiy ladzy ni biahb coo ñahz.

MARCOS 4:13

No ra me leeyâme: ―¿Nehx rieññ laꞌd nirieꞌ ni günin ndaagü lo diidz la? ¿Xnahc‑e naꞌ guieññ laꞌd zrieñ ni gapyaꞌ laꞌd ndaagü gahc lo diidz?

LUCAS 8:12

Doozyu ni biahb coo ñahz zidguiahc beeiy meññ-rieññ xtiidz Dioz, per luxu riahd bêndzab rboo leeu leññ xguîlmbahñ yâme lehdy di gylíladzy yâme no lehdy di gylaa yâme de lo guîlnadz.

SANTIAGO 1:21

Leewe, lâ csaan gyre ni nahcsy ni ristuꞌ ni rtzoo laꞌd no gyre ni nehx mos, no lâ yquee ihqy laꞌd xtiidz Dioz no to guîlrieñ-ndoo; no xtiidz me ni ba nu leññ xguîlmbahñ laꞌd, leeu beeiy guislaa laꞌd de lo guîlnadz ni ziaad.