LUCAS 7:14 - Zapotec Guevea de Humboldt New Testament

¹⁴ Luxu, gübigy me coo taú no güdan me chehshu, no güliahz gahc meññ-ngüyañ leeu. Were günino Jesúz ñoby-guhty, ra me lee: ―¡Biahsiꞌ! Naa we ganino lii.

LUCAS 7:14 Iomraidhean Croise

MARCOS 5:41

No günahzy Jesúz ña ndzabdxuur, no ra me lee: ―Talita, cumi ―ni rnii ne: Ndzabdxuur, lii we gayapyaꞌ, biahsiꞌ.

LUCAS 7:13

Ru bwieꞌ Jesúz ngüna-wé naꞌ, bioob me lee, no ra me: ―Ba di guunriꞌ.

LUCAS 7:15

Gürieli gahc ñoby-caḻ ni ba guhty no guzlo gahc ganii me. Luxu, bdee Jesúz leeme xmam me.

LUCAS 7:17

Gydo-bynac lo ṟegioṉ-Judea no gyre guiedzy-yaañ ni nu gahsh, gunn meññ ni ptzoo Jesúz.

JUAN 11:25

Were ra Jesúz leeme: ―Naa we ni rispahñ mînguty, no naa we ni rdee guîlmbahñ ni nehx zluhx. Dxu rlíladzy naa, nîcze gaty, per zbahñ gyzac.

JUAN 5:21

No mod-rispahñ xTad me mînguty yahc no rdee me guîlmbahñ leeyâme, zegahc‑e rdee Xiiñ Dioz guîlmbahñ dxu racladzy me gdee meu lee.

JUAN 5:25

Naa gapyaꞌ laꞌd ni uli, ziaad to dzé, no naꞌ gahc‑e leeu, ru guieññ mînguty xriedz Xiiñ Dioz; no dxu ctzoo ni ra me, gap guîlmbahñ ni nehx zluhx.

ROMANOS 4:17

mod-rnii lo Guehtzy ru queꞌ xtiidz Dioz: “Ptzon lii beeiy xtad meññ-xtahl nacióṉ.” Nirieꞌ we Dioz ni bylíladzy Braṉ lee, Dioz ni rispahñ mînguty, no ni rnii ni gac ziaꞌr beeiy ni ba guhc.

EFESIOS 5:12

Guîlrtuꞌ we leeu nnii mu ni rtzoo yâme ngaꞌdzy;