LUCAS 6:6 - Zapotec Guevea de Humboldt New Testament

⁶ Sto dze-risladzy meññ güyuꞌ Jesúz leññ idoo, no guzlo gahc me galuu me meññ. No nuty to mpyquie lahd meññ uga, gübihdzy to ña me lad-drech.

LUCAS 6:6 Iomraidhean Croise

MATEO 4:23

Güya Jesúz gyre guiedzy ni nu lo ṟegioṉ-Galilea, galuu me meññ xtiidz Dioz leññ xiydoo yâme cad guiedzy, no gayuno me meññ diidz de ni rtzoo Dioz mdad, no gasiaḻ me meññ-gayac-ure de gyre guîlguihdz no de gyre yoob ni rdedy meññ.

LUCAS 13:10

To dze-risladzy meññ galuu Jesúz meññ leññ to idoo.

LUCAS 14:3

Were günabdiidz Jesúz muextr ni nann yahc leiy no meññ-nac yahc fariseu, ra me leeyahc: ―¿Xñahzu we la, nsiaḻ mu meññ-gayac-ure dze-risladzy meññ, o yac?

LUCAS 4:16

Bydzihñ Jesúz Nasaret, guiedzy ru byniꞌzy me; no güya me idoo dze-risladzy meññ‑Isṟael, mod-rtzoo gahc me. Ru guzli me lehdy guuḻ me lo Guehtzy ru queꞌ xtiidz Dioz,

LUCAS 4:31

Luxu za Jesúz sto guiedzy-le Capernaum ni nu lo ṟegioṉ-Galilea. Uga guzlo galuu me meññ cad dze-risladzy meññ-Isṟael.

LUCAS 6:1

To dze-risladzy meññ, güdedy Jesúz leññ to lyu ru dziib trigü, guzlo gahc xmeññ me gachuꞌ xdo trigü; no gazohb yâme ladzyu no gayahgü yâme leeu.

LUCAS 6:5

No ra Jesúz: ―Naa we Mpyquie-Pshahl Dioz Lee no rtzon mdad zegahc bia beeiy gac dze-risladzy meññ.

JUAN 5:3

Leññ corredor-wé yahc nash xtahl meññ-gayac-ure. Lahd yâme ngaḻ, lahd yâme ndang, no lahd yâme di raḻ gyniꞌby mbehty; no gabiahz yâme hor-rdziꞌ nzeꞌ.

JUAN 9:16

Lahd gahc meññ-nac yahc fariseu, ne yâme: ―Mpyquie-wé ni le Jesúz, nehx ziaad me de Dioz, porni nehx rlaby me dze-risladzy meññ. Zrieñ yâme ne: ―¿Bia mód beeiy ctzoo me xtahl ni ngann zâ nirieꞌ bâḻ ñahc me meññ-guîlquie? No to to yâme gydze ni rnii, no nehx güdahp yâme tohzy guîlriehñ.