LUCAS 5:5 - Zapotec Guevea de Humboldt New Testament

⁵ Ra Simóṉ leeme: ―Muextr, gydo guiaal gatzoo noꞌ dziiñ, per dgueññ gynahzy noꞌ ni to mbaḻ. Per bâḻ neꞌy ze la, naꞌ tzo noꞌ dzigráḻ noꞌu.

LUCAS 5:5 Iomraidhean Croise

LUCAS 17:13

no pquee yâme riedz leeme, ne yâme: ―¡Jesúz, Muextr, bioob noꞌ!

LUCAS 8:24

Were psiuꞌ yâme lo Jesúz, ra yâme leeme: ―¡Muextr! ¡Nó ba gayaꞌb! Were biahs Jesúz, ra me mbeꞌ no x‑oḻ nisdoo: ―¡Lâ tzudzie! Güliahz gahc mbedun, no gyreu güyuꞌ dzie.

LUCAS 8:45

Were ne Jesúz: ―¿Dxu leeme güdan naa? Ra gyre yâme leeme: ―Nehx güdan noꞌ lii. Were Pedr no zrieñ meññ-zu yahc no leeme, ra yâme Jesúz: ―Muextr, meññ-xtahl gadohp gybiy no gayaꞌñ lii, no neꞌy: “¿Dxu güdan naa?”

LUCAS 9:33

Hor-ba za Moiséz no Elíaz‑e naꞌ, ra Pedr Jesúz: ―Muextr, ¡lehgxu zuu nó neꞌ! Gzaa noꞌ tzonn ṟamad, tohbyu par lii, stohbyu par Moiséz, no stohbyu par Elíaz. Per Pedr naꞌ, nehx nann me bia ganii me.

LUCAS 9:49

Bylux günii Jesúz, ra Juaṉ leeme: ―Muextr, bwieꞌ noꞌ to mpyquie ni ganii ley lehdy gboo me mbenahcsy meññ, no ra noꞌ leeme ba di ctzoor me mod-wé, porni dac me ni ganzeno nó lee.

JUAN 15:14

Bâḻ ctzoo laꞌd ni gatzon mdad laꞌd, were dmíguaꞌ laꞌd.

JUAN 2:5

Were ra xmam me meññ-gayacno yahc: ―Lâ ctzoo nitisy ga me laꞌd.

JUAN 21:3

Ra Simoṉ-Pedr leeyâme: ―Naa tzan dzigynaazyaꞌ mbaḻ. Ra yâme leeme: ―Zehg‑e tzo noꞌ no lii. Güyuꞌ yâme leññ to barcü no za yâme; per guial-caḻ di nnahzy yâme mbehty mbaḻ.