LUCAS 5:33 - Zapotec Guevea de Humboldt New Testament

³³ Luxu ra yâme Jesúz: ―¿Bia nacu xmeññ Juaṉ ni rchôbnihs rtzoo yâme ayun no nehx rbiahz ni rnab yâme lo Dioz, no modé gahc rtzoo xmeññ meññ-nac yahc fariseu, per xmeññiꞌ aaḻ nitisy hór roo yâme no rahgü yâme?

LUCAS 5:33 Iomraidhean Croise

MATEO 23:13

’¡Baazy dzii de laꞌd, muextr ni ruuḻ yahc xleiy Moiséz no meññ-nac yahc fariseu, laꞌd ni ne meññ-tziaawy lee nîcze nehx uliu!, porni nehx rdee laꞌd ñahz tzu meññ ru rtzoo Dioz mdad; no luxu, ni laꞌd gahc di ne tzu, no di ne laꞌd tzu zrieñ meññ ni riuꞌladzy.

MARCOS 12:40

Rboo yâme xyuꞌ ngünaviud, no sto lad ba zu yâme ruuḻ yâme laꞌy xtze, rluuw ulihbu meññ-tziaawy leeyâme. Per ma xroꞌ guîlné we ycaꞌ yâme.

LUCAS 11:1

To dzé ganino Jesúz Dioz to lgar. Hor-bylux me, ra to de lahd xmeññ me leeme: ―Lii ni rtzoo mdad, bluu noꞌ gynino noꞌ Dioz, beeiy mod-bluu gahc Juaṉ xmeññ me.

LUCAS 18:12

Naa rtzon ayun chohp vuelt to leññ seman, no rdedyaꞌ lii to cuib de lo tzii cuib medy ni rtzon gan.”

LUCAS 2:37

no ba rahp ochentaycuatr ihz ni biaꞌn me viud. Tirgahc nu me idoró, rzacbeeiy me Dioz dzé no guiaal, rnino me Dioz no rtzoo me ayun zegahc.

LUCAS 20:47

Rboo yâme xyuꞌ ngünaviud, no sto lad ba zu yâme ruuḻ yâme laꞌy xtze, rluuw ulihbu meññ-tziaawy leeyâme; per ma xroꞌ guîlné we ycaꞌ yâme.

LUCAS 5:32

Naa nehx biaḻaꞌ zidyobyaꞌ meññ-tziaawy, mazyg meññ-guîlquie we zidyobyaꞌ leeyahc lehdy csaan yâme ni nahcsy ni nac yâme.

LUCAS 5:34

Ra Jesúz leeyâme: ―¿Nehxni beeiy ntzoo laꞌd mdad meññ-nu lo guîltziahl di ñoo ñahgü no nu ziaꞌr ñoby-gayidzña lahd yâme?

JUAN 1:35

Ni byre guiaal, gyzac zu Juaṉ uga no chohp de lahd xmeññ me.

JUAN 3:25

Per lahd xmeññ Juaṉ guzlo gadeḻydiidz yâme no lahd meññ-Isṟael lguia ni racnyar meññ lehdy guiaꞌn yâme nye lo Dioz.

HECHOS 9:11

Were ra Dioz leeme: ―Güya to ñahz ni le Ndohp, no ru gydzihñiꞌ xiryuꞌ Jud, gnabdiidziꞌ por to mpyquie ni le Saul, meññ-Tars. Wé nu me no ganab me lo Dioz,