LUCAS 5:27 - Zapotec Guevea de Humboldt New Testament

²⁷ Luxu, byruu Jesúz, za me sto lad. Hor-gadedy me to lgar‑e naꞌ, bwieꞌ me to meññ-rguquix mpuezd, le Leví, dxie ru rtzoo dziiñ. Were ra Jesúz leeme: ―Güde, náḻiꞌ naa.

LUCAS 5:27 Iomraidhean Croise

MATEO 10:3

Felipy no Bartolomé; Tomáz no Mateu ni rcuquix mpuezd; Jacob xiiñ Alfeu; no Lebeu ni ra yâme lee zegahc Tadeu;

MATEO 16:24

Luxu ra Jesúz xmeññ me: ―Dxu racladzy gac dmeññaꞌ lee la, csaan gyre ni nahcsy ni nac, no gbooladzy xtâ xguîlmbahñ, no ctzoo ni ren.

MATEO 8:22

Ra Jesúz leeme: ―Náḻiꞌ naa naꞌ; psaꞌn meññ-nac yahc beeiy mînguty ycaꞌdzy yâme xmeññ yâme ni ba guhty.

MARCOS 3:18

No güle me Ndréz, Felipy, Bartolomé, Mateu, Tomáz, Jacob leewe xiiñ Alfeu, Tadeu, Simóṉ ni güyuꞌ lahd to cuib meññ ni le cananist,

LUCAS 18:22

Hor-bieññ Jesúz ni günii me we naꞌ, ra leeme: ―Per nu ziaꞌr to ni riaadziꞌ: güya, ptoꞌ gyre ni rahpiꞌ no bdee xmedyu meññ-nehx rahp mbehty, were zahpiꞌ xtahl ni rsahc gybaa; luxu guiaadiꞌ, tzaꞌy no naa.

JUAN 1:43

Ni byre guiaal biuꞌladzy Jesúz za me lo ṟegioṉ-Galilea, no uga bydzial me Felipy, no ra me lee: ―Náḻiꞌ naa.

JUAN 12:26

Dxu riuꞌladzy ctzoo dixtziñaꞌ, ctzoo ni ren; no ru tzun, wé we ziuꞌ dxu gatzoo dixtziñaꞌ. No dxu rtzoo dixtziñaꞌ, zguguia dTadaꞌ lee.