LUCAS 5:26 - Zapotec Guevea de Humboldt New Testament

²⁶ Gyre yâme rtzunadz no güluguia yâme Dioz zegahc. No bydzie yâme, ne yâme: ―¡Dzêrieꞌ yaa we bwieꞌ nó xroꞌ cos yahc!

LUCAS 5:26 Iomraidhean Croise

MATEO 12:23

Rtzunadz gyre meññ, no ne yâme: ―¿Dac‑e leeme ni nac diidz guiaad de lo xfamily ṟeiy-Davit la?

MATEO 28:8

Za meññ-ngüna-caḻ yahc ngueeḻy, byruu yâme de ruꞌ baa gadzie yâme, per zegahc gaxihly yâme; no za-güxuunn yâme, zigyne yâme xmeññ Jesúz.

MATEO 9:8

Hor-bwieꞌ meññ nirieꞌ, ptzunadz yâme no güluguia yâme Dioz porni pshahl me meññ-beeiy ctzoo zâ niwé.

MARCOS 2:12

No biahs gahc me, no gülesy me xcamill me, no byruu me zia me, gawieꞌ gyre meññ. No gatzunadz yâme no gaguguia yâme Dioz no gaya saꞌ yâme: ―Nito dgueññ güieꞌ nó zâ nirieꞌ.

LUCAS 1:65

Gyre meññ ni nuno me gahsh ptzunadz yâme hor-bwieꞌ yâme günii me sto. No ru yâmeu lo meññ gyre guiedzy ni nu dahñ lo ṟegioṉ-Judea.

LUCAS 5:8

Per ru bwieꞌ Simoṉ-Pedr niwé we naꞌ, bisshiby me lo Jesúz, ra me lee: ―Nehx rquihñaꞌ par cuiahziꞌ ru zuun, Señor, porni meññ-guîlquie we naa.

LUCAS 7:16

Ru bwieꞌ gyre yâme ni guhc, bydzie yâme no guzlo gaguguia yâme Dioz, no ne yâme: ―To profet ni beeiyu lee bidtzu dlahd nó. No ne yâme: ―Dioz ba biahd par gacno xmeññ.

LUCAS 8:37

Were ra gyre meññ-caḻ yahc Jesúz: ―Rnab noꞌ lii gyruuy de neꞌ, ―porni gadzie yâme leeme. Were güyuꞌ Jesúz leññ barcü lehdy guibyguiat me lo ṟegioṉ-Galilea.

HECHOS 4:21

Luxu bislaa guxtisy leeyâme. Per nier gax bzu yâme didz-nahcsy lo Pedr no Juaṉ. No ba di ndzial guxtisy bia ntzoo leeyâme, porni gyre meññ gaguguia Dioz porni bwieꞌ yâme biaḻ mpyquie-caḻ.

GÁLATAS 1:24

No rguguia yâme Dioz porni ba rlídadzyaꞌ.