LUCAS 5:21 - Zapotec Guevea de Humboldt New Testament

²¹ Guzlo gahc ganii leññ ihqy muextr ni ruuḻ yahc xleiy Moiséz no zrieñ meññ-nac yahc fariseu, ne yâme: “¿Dxuz‑e nac mpyquie-rieꞌ? Rnii me didz-nahcsy contr Dioz, porni nunzy Dioz‑e beeiy rsiaaḻladzy xguîlquie meññ.”

LUCAS 5:21 Iomraidhean Croise

MATEO 26:65

Were güdiix shab xjefy gyre bahl porni bydziaꞌdzy me, no ra me: ―¡Mpyquie-rieꞌ ganii me didz-nahcsy contr Dioz! ¿Bia mazy racdadzy nó tzu dxu gynii? Ba bieññ laꞌd ni ne me.

MATEO 9:3

Chohp tzonn de lahd muextr ni ruuḻ yahc xleiy Moiséz, ganii leññ ihqy yâme: “Mpyquie-rieꞌ rnii me didz-nahcsy contr Dioz.”

LUCAS 3:8

Lâ ctzoo ni nac xñahzû lehdy guieññ ba psaan laꞌd ni nahcsy ni nac laꞌd, no na di sulo gynii leññ ihqy laꞌd, ga laꞌd: “Ba xmeññ Dioz‑e nó porni de lo xfamily Braṉ‑e nó”; porni gapyaꞌ laꞌd, Dioz zegahc‑e beeiy ntzoo me xfamily Braṉ xtâ guie ni dxie yahc neꞌ.

LUCAS 5:17

To dzé galuu Jesúz meññ, no lahd yâme nu meññ-nac yahc fariseu no muextr ni ruuḻ yahc xleiy Moiséz ni byruu zrieñ guiedzy de lo ṟegioṉ-Galilea, no lo ṟegioṉ-Judea, no ciuda-Jerusaléṉ, gawieꞌ yâme gyre ni gatzoo Jesúz, gasiaḻ me meññ-gayac-ure, porni nu Dioz no leeme.

LUCAS 5:22

Per Jesúz naꞌ, nann me bia ganii leññ ihqy yâme. Were ra me: ―¿Bia nacu rnii leññ ihqy laꞌd ze?

LUCAS 7:49

Guzlo zrieñ meññ-dxieno me ruꞌ miax uga, ganii leññ ihqy yâme, ne yâme: ―¿Dxuz‑e leeme mpyquie-rieꞌ? Xtâ guîlquie rsiaaḻladzy me.

JUAN 10:33

Ra yâme leeme: ―Dacu por behch ni mos ni ptzooy cshadguie noꞌ lii, mazyg porni rniiy didz-nahcsy contr Dioz; porni nîcze meññ-guiedzylie lii, rtzooy lii gahc Dioz.

ROMANOS 8:33

¿Dxu we naꞌ beeiy nruu contr meññ ni ba güle Dioz lee? Dioz gahc rteedy leeyâme beeiy ni nehx nzahby guîlquie.