LUCAS 4:35 - Zapotec Guevea de Humboldt New Testament

³⁵ Were ptzoo Jesúz mdad mbenacsy-caḻ, ra me lee: ―¡Güyudzie, no byruu gahc de mpyquie-rieꞌ! Luxu, güdiñguie mbenahcsy mpyquie-caḻ lo yu ñaz-lo gyre yâme, no byruu gahcu leeme, no ba mbehty di ntzoou leeme.

LUCAS 4:35 Iomraidhean Croise

MATEO 17:18

Were güdeḻy Jesúz mbenahcsy, no güloo meu ñobywiñ, no glohdy dze-caḻ biaꞌn me nzaꞌg.

MATEO 8:26

Ra me xmeññ me: ―¿Bia nacu zehdy rdzie laꞌd? ¿Nehx ziaꞌ rlíladzy laꞌd naa la? Byluxz günii me ze, biahs me, ptzoo me mdad güyudzie mbeꞌ no nisdoo; no gyreu güyuꞌ dzie.

MARCOS 1:26

Mbenahcsy naꞌ, bzoobu mbeꞌ mpyquie-rieꞌ, no gaque-lahgü riedz, byruu gahcu de leeme.

MARCOS 4:39

Were biahs Jesúz, no ptzoo me mdad mbedun; no ra me nisdoo: ―¡Güyudzie! ¡Di ctzuṟidiꞌ! No güliahz gahc mbedun, no gyreu güyuꞌ dzie.

MARCOS 9:26

Were pquee mbenahcsy riedz ndip no gyzac bzoobu mbeꞌ ñobywiñ, no byruu gahcu de leeme. No rluu me beeiy ni guhty, xtâ ra xtahl yâme: ―Ba guhty me we.

LUCAS 11:22

Per bâḻ ñahd sto ni ma ndip que leeme, wé ntzoo gan leeme no mboo gyre guiib ni rahp me par yquelo me, no nguiiz gyre ni rahp me lahd xmeññ.

LUCAS 4:23

Ra Jesúz leeyâme: ―Naa nannaꞌ ga laꞌd naa to didz-zaaby ni ne mod-rieꞌ: “Psiaḻ lii gahc, doctor.” Zegahc ga laꞌd naa: “Ptzoo ni ptzooy guiedzy-Capernaum neꞌ leññ xguiedzyiꞌ, güieꞌ nó.”

LUCAS 4:39

Luxu gübigy Jesúz ru nash me, no ptzoo Jesúz mdad xle, ra me: ―¡Byruu de ngüna-rieꞌ! No biaḻ gahc xixle me, no biahs gahc me, bdee me ni güee Jesúz no xmeññ.

LUCAS 4:41

No zegahc xtahl meññ güloo me mbenahcsy lee, no hor-garuu mbenahcsy, rquee yahcu riedz, ne yahcu: ―¡Lii we Xiiñ Dioz! Were güdeḻy me mbenahcsy, no ba di ndeer me ñahz nnii yahc, porni nann yahcu leeme we nac Crist.

LUCAS 8:24

Were psiuꞌ yâme lo Jesúz, ra yâme leeme: ―¡Muextr! ¡Nó ba gayaꞌb! Were biahs Jesúz, ra me mbeꞌ no x‑oḻ nisdoo: ―¡Lâ tzudzie! Güliahz gahc mbedun, no gyreu güyuꞌ dzie.

LUCAS 9:39

rnahzy mbenahcsy leeme, lé rquee me riedz. No rzoobu mbeꞌ leeme, no rguiñguieu leeme lo yu, lé rboou mboo ruꞌ me; rtzoo rsahcu leeme, no nehx rruuw de leeme.

LUCAS 9:42

Ru ba gadziñgahsh ñobywiñ ru zu Jesúz, güdiñguie mbenahcsy leeme lo yu, no bzoobu mbeꞌ leeme. Were güdeḻy Jesúz mbenahcsy no psiaḻ gahc me ñobywiñ, no luxu, bdee me lee xtad.

APOCALIPSIS 12:12

Leewe gap gybaa to guîlrxihly, no zegahcu laꞌd ni nu gybaa. ¡Per baazy dzii de laꞌd ni nu yahc lo guiedzylie no ni nu yahc lo nisdoo! Porni bêndzab ba biaht lo guiedzylie, modni gadziaꞌdzy, no ba nann me ba stoozy tiémp rahp me.