LUCAS 4:18 - Zapotec Guevea de Humboldt New Testament

¹⁸ Nu xiSpirt Dioz naa, porni Dioz güle me naa lehdy csieññaꞌ meññ-pobr xtidz-mos me. Pshahl me naa lehdy gacnon meññ ni gyrehzy gazacno xtâ leññ xguîlmbahñ, no gapyaꞌ meññ ni zidguiahc beeiy ni nu lidzyguiib bia mód beeiy gylaa yâme de lo ni nadz; no cshalaꞌ lo meññ-ngaḻ yahc; no guislaan meññ ni gazaczi yahc.

LUCAS 4:18 Iomraidhean Croise

MATEO 11:5

Lâ ga leeme meññ-ngaḻ ba rwieꞌ, meññ-ndang ba rzeꞌ, meññ-gayudz lady riaḻ de xguîlguihdz, meññ-nguat ba rieññ, mînguty rbahñ, no meññ-pobr ba gayieññ xtiidz Dioz.

MATEO 12:18

Nirieꞌ we ni ctzoo dixtziñaꞌ, ni güleꞌn lee, ni ndzin lee, no rxilynon lee. Gdedyaꞌ diSpirtaꞌ ni tzu no leeme, no csieññ me xtâ meññ-nehx meññ-Isṟael ziaad dzé ni ctzon guîlguxtisy.

MATEO 12:20

Nehx stzuné me meññ ni ntihdy beeiy to gobgui, no gacno me meññ ni rluu beeiy to mech ni ba nunzy guhsh gaboo, glo dze-güieꞌ me ba gayahc xguîlguxtisy me byzaꞌzy.

MATEO 4:16

Meññ-nu beeiy to lo guibcawy bwieꞌ to byni-ro, no meññ-nu beeiy lo ximble guîlguhty, güyuꞌ to byni-ro par lee.

MATEO 5:3

―Dxu ñahc beeiy meññ ni nann nehx rsahc xguîlmbahñ bâḻ nehx nu yâme no Dioz, porni xchieñ yâme gyre ni rtzoo Dioz mdad.

LUCAS 4:17

bdee yâme leeme xguehtzy profet-Isaíaz. Pshal me lou, no bydzial me ru ganii ne:

LUCAS 6:20

Luxu bwieꞌ Jesúz ru dxie xmeññ me no ra me lee: ―Dxu ñahc beeiy laꞌd ni nehx rahp ni tedydzé, porni xchieñ laꞌd‑e gyre ni rtzoo Dioz mdad.

LUCAS 7:22

Were ra Jesúz leeyâme: ―Lâ tza, lâ gu diidz lo Juaṉ gyre ni bwieꞌ laꞌd no gyre ni bieññ laꞌd neꞌ. Lâ ga leeme meññ-ngaḻ ba rwieꞌ, meññ-ndang ba rzeꞌ, meññ-gayudz lady riaḻ de xguîlguihdz, meññ-nguat ba rieññ, mînguty rbahñ, no meññ-pobr ba gayieññ xtiidz Dioz;

JUAN 1:41

Ndréz, nier bigyo me behtzy me Simóṉ, no ra me lee: ―Bydzial noꞌ dxu lee nac Mesíaz ―ni rnii neu, ni nac Crist.

JUAN 12:46

Naa nacaꞌ beeiy byniꞌ, no biaḻaꞌ lo guiedzylie lehdy dxu gylíladzy naa nehx ziaꞌn me beeiy lo guibcawy.

JUAN 3:34

porni dxu pshahl Dioz lee, xtiidz gahc Dioz‑e rnii, porni Dioz nehx rca me xiSpirt me par xiiñ me.

HECHOS 10:38

No nann laꞌd pshahl Dioz Jesúz ni nac meññ-Nasaret no güluꞌ me Spirt-Sant no zegahc poder xguîlmbahñ, no Jesúz güzeꞌ me gucno me meññ no psiaḻ me meññ ni nu bêndzab lee, porni nu Dioz no leeme.

HECHOS 26:18

par gluuy leeyâme ni uli de naa, lehdy gyruu yâme de lo guibcawy, guiaad yâme lo byniꞌ, no lehdy di ctzoor bêndzab mdad leeyâme, no ctzoo yâme ni ne Dioz; no gylíladzy yâme naa lehdy csiaaḻdadzyaꞌ xguîlquie yâme, no mod-wé zdee Dioz leeyâme ni ycaꞌ meññ ni ba nac nunzy par leeme.”

HECHOS 4:26

Bydohp ṟeiy yahc ni nu byzaꞌzy no jefy yahc par guhc yâme tohzy, byruu yâme contr Dioz no contr Crist ni pshahl me lee.

HECHOS 4:27

’No mod-wé guhc leññ guiedzy-rieꞌ. Herody no Ponzy Pilat, guhc yâme tohzy no meññ-nehx meññ-Isṟael no gahc zrieñ meññ-Isṟael, par byruu yâme contr Xiiñiꞌ Jesúz ni güleꞌy lee.

COLOSENSES 1:13

Dioz bislaa me nó dze-güyuꞌ nó beeiy to lo guibcawy ni ptzoo mdad nó, no güluꞌ me nó ru rtzoo Xiiñ me mdad ni ndzi me lee.

SANTIAGO 2:5

Dirmanaꞌ ni ndzin leeyahc, lâ guieññ nirieꞌ: Dioz güle me meññ-pobr lo guiedzylie-rieꞌ lehdy gac yâme ṟicü de ni gylíladzy yâme Dioz, no lehdy ycaꞌ yâme to lgar-mos ru rtzoo Dioz mdad ni gdee me ycaꞌ meññ ni rzacbeeiy leeme.

1 PEDRO 2:9

Per laꞌd nac laꞌd to family ni gübee, to cuib bahl ni gatzoo xtziiñ Ṟeiy, to nacióṉ ru nu pur meññ-nac nunzy par Dioz, no nac laꞌd meññ-xguiedzy Dioz. No mod-wé guhcu, lehdy guno laꞌd meññ de ni Dioz rtzoo me ni nehx beeiy ntzoo ndruhty no modni mosu, leeme we ni pquee riedz laꞌd gyruu laꞌd de lo beeiy guibcawy no tzu laꞌd beeiy lo byni-mos.