LUCAS 3:8 - Zapotec Guevea de Humboldt New Testament

⁸ Lâ ctzoo ni nac xñahzû lehdy guieññ ba psaan laꞌd ni nahcsy ni nac laꞌd, no na di sulo gynii leññ ihqy laꞌd, ga laꞌd: “Ba xmeññ Dioz‑e nó porni de lo xfamily Braṉ‑e nó”; porni gapyaꞌ laꞌd, Dioz zegahc‑e beeiy ntzoo me xfamily Braṉ xtâ guie ni dxie yahc neꞌ.

LUCAS 3:8 Iomraidhean Croise

MATEO 21:43

No leewe racdadzyaꞌ gann laꞌd, ba nehx beeiy tzu laꞌd ru rtzoo Dioz mdad; ba zrieñ meññ‑e tzu ni zidguiahc beeiy meññ-rdee ni nac xchieñ cad cüsech xbixwaanu.

MATEO 3:8

Lâ ctzoo ni nac xñahzû lehdy guieññ ba psaan laꞌd ni nahcsy ni nac laꞌd,

MATEO 3:9

no na di gynii leññ ihqy laꞌd, ga laꞌd: “Ba xmeññ Dioz‑e nó porni de lo xfamily Braṉ‑e nó”; porni naa gapyaꞌ laꞌd, Dioz zegahc‑e beeiy ntzoo me xfamily Braṉ xtâ guie ni dxie yahc neꞌ.

LUCAS 13:25

Porni hor-xbixwaan yuꞌ ba biahs no ptahgü puert, were laꞌd ni zu stziuꞌ gacladzy tzu. Hor-caḻ ba ga laꞌd leeme: “Lii ni rtzoo mdad, pshal yuꞌ, tzu noꞌ.” Per ga me laꞌd: “Nehx nannaꞌ dxu meññ laꞌd.”

LUCAS 13:26

Were ga laꞌd leeme: “Per tohzy no lii güdahgü noꞌ no güee noꞌ, no tohzy bluuy gyre noꞌ lo call.”

LUCAS 14:9

bac guiaad meññ-psieññ lii, ga lii: “Biahsiꞌ ru dxiey lehdy cuia mpyquie-rieꞌ.” Hor-caḻ naꞌ, ba stuꞌy, porni ba biahsiꞌ de ru dxiey, no ba dzicchiey ru dxie meññ-nehx rahp xpeeiy yâme lee.

LUCAS 19:40

Ra Jesúz leeyâme: ―Gapyaꞌ laꞌd, bâḻ meññ-rieꞌ yahc guiandzie, guie yahc ni dxie neꞌ squee riedz.

LUCAS 19:9

Were ra Jesúz leeme no zrieñ meññ-dxieno me lee: ―Niwé rdee diidz glohg ngâstoo, ba bylaa meññ-nu leññ yu-rieꞌ de lo guîlnadz ni ziaad. Porni mpyquie-rieꞌ, de lo gahc xfamily Braṉ‑e ziaad me.

LUCAS 5:21

Guzlo gahc ganii leññ ihqy muextr ni ruuḻ yahc xleiy Moiséz no zrieñ meññ-nac yahc fariseu, ne yâme: “¿Dxuz‑e nac mpyquie-rieꞌ? Rnii me didz-nahcsy contr Dioz, porni nunzy Dioz‑e beeiy rsiaaḻladzy xguîlquie meññ.”

JUAN 8:33

Ra yâme leeme: ―De lo xfamily Braṉ‑e noꞌ, no nito dgueññ gac noꞌ mós ni byzee lehdy ñahc noꞌ beeiy ni nliiby. ¿Bia nacu neꞌy gylaa noꞌ?

JUAN 8:39

Ra yâme Jesúz: ―¡Braṉ‑e dtad noꞌ! Ra Jesúz leeyâme: ―Bâḻ ñahc uliu xtad laꞌd Braṉ, ntzoo laꞌd mod-ptzoo me.

HECHOS 26:20

mazyg guzloꞌn bienon xtiidz Dioz nier gahc meññ-nu Damascü, no meññ-Jerusaléṉ, no meññ-nu yahc lo ṟegioṉ-Judea. No zegahc bienonu meññ-nehx meññ-Isṟael. Ren leeyâme csaan yâme ni nahcsy ni nac yâme no gyo yâme Dioz, no ctzoo yâme mod-racladzy me lehdy guieññ ulihbu rahc cuent leeyâme no Dioz.

ROMANOS 4:16

Leewe, lehdy di gynihty ni bdee Dioz xtiidz me ni ba ra me Braṉ par gyre meññ ni ziaad de lo xfamily me, guhcu to laꞌy ni gudy Braṉ porni bylíladzy me, no dac‑e nunzy par meññ-rtzoo ni ne xleiy Moiséz leeu, mazyg zegahc par meññ ni rlíladzy Dioz mod-bylíladzy Braṉ. Mod-wé Braṉ zidguiahc me beeiy dtad gyre nó,

ROMANOS 9:7

No leewe dac‑e gyre meññ ni ziaad de lo xfamily Braṉ ulihbu xiiñ me lee; mazyg ra Dioz Braṉ: “Nunzy de xiiñiꞌ, Isac, zahpiꞌ family ni ziaad ziaꞌr.”

FILIPENSES 1:11

Porni Jesucrist gacno lehdy ctzoo laꞌd ni nac xñahzû, no mod-wé gzacbeeiy meññ Dioz no zguguia yâme leeme.