LUCAS 3:13 - Zapotec Guevea de Humboldt New Testament

¹³ Ra Juaṉ leeyâme: ―Na di iguquix laꞌd ma xtahl de ni rtzoo leiy mdad.

LUCAS 3:13 Iomraidhean Croise

MATEO 7:12

’No leewe, mod-racladzy laꞌd ctzoo meññ no laꞌd, mod-wé lâ ctzoo no leeyâme; porni nirieꞌ we rnii xleiy Moiséz, no mod-wé gahc rnii ni bzaa profet yahc.

LUCAS 19:8

Were guzli Saqueu, ra me Jesúz: ―Lii ni rtzoo mdad, gdedyaꞌ glaꞌy gyre ni rapaꞌ ycaꞌ meññ-nehx rahp ni tedydzé. No bâḻ güluquixaꞌ dxuhch ma xtahl de ni nzahby me la, naa guidzguiataꞌ leeu, ctzon leeu tahp cuib.

LUCAS 3:12

Zegahc bydzihñ meññ-rguquix mpuezd par gyrôbnihs yahc, ra yâme Juaṉ: ―Naꞌz noꞌ, muextr, ¿biaz ntzoo noꞌ?

LUCAS 3:14

No zegahc bydzihñ zrieñ soldad, ra leeme: ―Naꞌz noꞌ, ¿bia ntzoo noꞌ? Ra me leeyâme: ―Na di gbohd xchieñ meññ, no di gynihd ni nehx uli chehsh meññ ni di ntzoo mbehty. Lâ gyxilyno nunzy sahc laꞌd ni riax laꞌd.

1 CORINTIOS 6:10

o meññ-gübaan, meññ-rzîbyladzy medy, meññ-ngüee, meññ-rniwaty, o meññ ni risquiee par ycaꞌ xmedy meññ zehzy; gyre zâ meññ-wé yahc nehx beeiy tzu ru rtzoo Dioz mdad.

EFESIOS 4:28

Dxu de laꞌd guhc gübaan, ba di cuanr, mazyg ctzoo me dziiñ lehdy gap me ni yquihñ me, no gap me ni beeiy gacno me meññ-nehx rahp ni tedydzé.

HEBREOS 12:1

Sca-ze beeiy ni dguingybi nó bydzeꞌ gyre meññ-wé ni ba bdee diidz rlíladzy yâme Dioz, leewe csaan nó gyre ni rca nó no zegahc guîlquie ni rchaḻ nó, no guisnáḻ nó gyre mod-racladzy Dioz, no di cshacdadzy nó lóni nu nó lo guiedzylie.