LUCAS 24:39 - Zapotec Guevea de Humboldt New Testament

³⁹ Lâ güieꞌ ru güyaaz clav dñan no dnien. Naa gahc‑e. Lâ can naa no lâ güieꞌ. To xguiaḻ meññ nehx rahp dziht ni biahl, mod-rwieꞌ laꞌd rapaꞌnu.

LUCAS 24:39 Iomraidhean Croise

LUCAS 23:46

Lo gahc hor-caḻ pquee Jesúz riedz, ne me: ―Dad, lo ñay‑e rsanaꞌ dguîlmbahñaꞌ. No günihzy me ze, guhty gahc me.

LUCAS 24:38

Were günii Jesúz, ra leeyâme: ―¿Bia nacu rdzie laꞌd, no bia nacu gyrehzy rzaꞌladzy laꞌd?

LUCAS 24:40

Bylux günii me ze, bluu me leeyâme ña me no nieꞌ me ru güyaaz clav.

JUAN 20:20

Bylux günii me ze, bluu me ru güyaaz clav ña me, no bluu coo leññ me bwieꞌ xmeññ me, no rxihly yâme gawieꞌ yâme leeme.

JUAN 20:25

Per zrieñ yâme ni bwieꞌ Jesúz ra yâme Tomáz: ―Bwieꞌ noꞌ Señor. Per Tomáz ra leeyâme: ―Bâḻ nehx nwien xseñ clav ña me no nlezy ihqy dñan ru güyaaz clav, no nlezy dñan zegahc coo leññ me ru güyaaz lanz, nehx nlídadzyaꞌ.

JUAN 20:27

Luxu, ra me Tomáz: ―Bwieꞌ dñan no güdan ru güyaaz clav; no güdan coo dleññaꞌ ru güyaaz lanz. Ba di yqueꞌladzyiꞌ, mazyg bylíladzy.

HECHOS 1:3

Guhty me, per ru ba gübahñ me sto, bidtzu me lahd x‑apóstl me no güyuꞌ xtahl mód ni bluu me leeyâme ni uli we mbahñ me. No leññ cuarent dzé, rwieꞌ yâme leeme lahd gá, no bluu me leeyâme lguia ni rtzoo Dioz mdad.

1 TESALONICENSES 5:23

Dioz gahc ni rguꞌ nó dzie tziaawy ctzoo me laꞌd nunzy par leeme no meññ-nehx nu mbehty guîlquie chehsh. No gap me gydo-bynac laꞌd, xispirt laꞌd, xguîlmbahñ laꞌd, no xcuerp laꞌd, no nehx zdzial mbehty ni nahcsy chehsh laꞌd dze-guiaad Jesucrist ni rtzoo mdad nó.

HEBREOS 12:9

No gyzac stohbyu, dze-guhc nó mbiux, dtad nó neꞌ lo guiedzylie rdeḻy me nó, no rzacbeeiy nó leeme. ¿Bia nacu naꞌ di gzoob nó xtiidz dTad nó ni nu gybaa porni mod-wé xñahzu, no were ulihbu gacmbahñ nó?

1 JUAN 1:1

Gazaa noꞌ par laꞌd lguia to ni ba gahc nu glo dze-güyaa guiedzylie. Bieññ noꞌ lee, no bwieꞌ noꞌ lee no byza-dlo noꞌ; no ulihbu bwieꞌ noꞌ lee no güdan noꞌ lee nop dña noꞌ; no leeme we ni le Diidz ni rdee guîlmbahñ ni nehx zluhx.