LUCAS 24:19 - Zapotec Guevea de Humboldt New Testament

¹⁹ Were ra me: ―¿Bia leeu ni guhc? Ra yâme leeme: ―Gayu noꞌ ni guhc to mpyquie ni le Jesúz ni nac meññ-Nasaret. Leeme we to profet ni beeiyu lee gyreu, no günii me no ptzoo me pur ni rsahc ñaz-lo Dioz no ñaz-lo meññ.

LUCAS 24:19 Iomraidhean Croise

MATEO 21:11

No ra lahd yâme: ―Jesúz‑e leeme, profet ni byruu guiedzy-Nasaret ni nu lo ṟegioṉ-Galilea.

MARCOS 1:24

ne me: ―¿Bia ryohbyiꞌ no noꞌ, Jesúz ni nac meññ-Nasaret? ¿Ziaadiꞌ lehdy gniꞌdyiꞌ noꞌ la? Naa nannaꞌ dxu lii. Lii we ni nac Mpyquie-tziaawy ni Pshahl Dioz Lee.

LUCAS 24:18

Were ra mpyquie-le Cleofas leeme: ―De lahd gyre meññ-mbiuhz ni bydzihñ Jerusaléṉ, ¿nunzy lii nehx nann ni guhc uga leññ dze-rieꞌ yahc la?

LUCAS 7:16

Ru bwieꞌ gyre yâme ni guhc, bydzie yâme no guzlo gaguguia yâme Dioz, no ne yâme: ―To profet ni beeiyu lee bidtzu dlahd nó. No ne yâme: ―Dioz ba biahd par gacno xmeññ.

JUAN 3:2

Güya me guiaal ru nu Jesúz, no ra me lee: ―Muextr, nann noꞌ Dioz pshahl lii guidluuy noꞌ, porni rtzooy xtahl ni ngann, no ndruhty nehx beeiy ntzoo leeyahcu bâḻ nehx nu Dioz no lee.

JUAN 4:19

Ra ngüna-caḻ leeme: ―Señor, zoꞌ naa profet‑e lii.

JUAN 6:14

Hor-bwieꞌ meññ-caḻ yahc ni ngann ni ptzoo Jesúz, ne yâme: ―Mpyquie-rieꞌ we ulihbu profet ni nac diidz guiaad lo guiedzylie.

JUAN 7:52

Ra yâme Nicodem: ―¿Meññ-Galilea lii zegahc la? Biiḻy lo Guehtzy zaꞌgndzi ru queꞌ xtiidz Dioz, güieꞌzyiꞌ, dgueññ gyruu ni to profet ṟegioṉ-Galilea.

HECHOS 10:38

No nann laꞌd pshahl Dioz Jesúz ni nac meññ-Nasaret no güluꞌ me Spirt-Sant no zegahc poder xguîlmbahñ, no Jesúz güzeꞌ me gucno me meññ no psiaḻ me meññ ni nu bêndzab lee, porni nu Dioz no leeme.

HECHOS 2:22

’Meññ-Isṟael, lâ guieññ ni gapyaꞌ laꞌd. Nann laꞌd Dioz bluu me de ni pshahl me Jesúz, to meññ-Nasaret, no gucno me lee lehdy ptzoo Jesúz xroꞌ cos yahc, no guîlrtzunadz, no ni ngann, no ptzoo me leeu ñaz-lo laꞌd.

HECHOS 7:22

No wé nu me, byzeedy me gyre ni nann meññ-Egipt, no xroꞌ guîlnann günii me no ptzoo me gyreu.