LUCAS 23:5 - Zapotec Guevea de Humboldt New Testament

⁵ Per leeyâme naꞌ, ma rahc yâme rquee yâme riedz, ne yâme: ―Rtziiñ me meññ gydo lo ṟegioṉ-Judea no ni rluu me. Guzlo me lo ṟegioṉ-Galilea no glo bydzihñ me xtâ neꞌ.

LUCAS 23:5 Iomraidhean Croise

MATEO 11:1

Bylux ra Jesúz meññ ni nac tzipychop xmeññ me xnahc ctzoo, za me zrieñ guiedzy de lo ṟegioṉ-wé, zigluu me meññ no zigyuno me lee xtiidz Dioz.

MATEO 2:1

Jesúz guhl me Beléṉ, to guiedzy ni nu lo ṟegioṉ-Judea, tiemp-nac Herody ṟeiy. Lahd meññ ni nann lguia mbial byruu yâme ñaz-ru rlahñ ncübidz, bydzihñ yâme Jerusaléṉ,

MATEO 27:24

Hor-bwieꞌ Pilat di raḻ gac mbehty mod-ne me, aaḻ guzlo gabiiñ gyre meññ ni garuu contr Jesúz, pshahl me meññ-biycaꞌ nzeꞌ, güdihby ña me ñaz-lo gyre yâme, no ne me: ―Naa nehx rapaꞌ doḻ no xguîlguhty mpyquie-rieꞌ; chehsh laꞌd‑e riaꞌnu.

MATEO 4:23

Güya Jesúz gyre guiedzy ni nu lo ṟegioṉ-Galilea, galuu me meññ xtiidz Dioz leññ xiydoo yâme cad guiedzy, no gayuno me meññ diidz de ni rtzoo Dioz mdad, no gasiaḻ me meññ-gayac-ure de gyre guîlguihdz no de gyre yoob ni rdedy meññ.

MARCOS 1:14

Bylux bydahgü Juaṉ lidzyguiib we naꞌ, güya Jesúz lo ṟegioṉ-Galilea, bigyuno me meññ diidz de ni ctzoo Dioz mdad, no

LUCAS 11:53

Bylux günii Jesúz, modni bydziadzyno muextr yahc leeme no meññ-nac yahc fariseu, no guzlo ganabdiidz yâme leeme gyrehzy,

LUCAS 23:23

Per leeyâme, aaḻ ma rquee yâme riedz, ne yâme yqueꞌ me lo cruzy. No mod-wé xtâ glo pquihly yâme Pilat gacu mod-ne yâme no mod-ne xjefy yahc bahl.

LUCAS 23:6

Ru bieññ Pilat ni rquee yâme riedz la, were günabdiidz me bâḻ meññ-Galilea we Jesúz.

JUAN 1:43

Ni byre guiaal biuꞌladzy Jesúz za me lo ṟegioṉ-Galilea, no uga bydzial me Felipy, no ra me lee: ―Náḻiꞌ naa.

JUAN 19:15

Per meññ-Isṟael rquee yâme riedz, ne yâme: ―¡Gaty me! ¡Gaty me! ¡Pquee leeme lo cruzy! Ra Pilat leeyâme: ―¿Yqueen xṞeiy laꞌd lo cruzy la? Ra xjefy bahl yahc leeme: ―Noꞌ nehx rahp noꞌ zrieñ ṟeiy; nunzy Cézr, wé we dṟeiy noꞌ.

JUAN 2:11

Nirieꞌ ni ptzoo Jesúz guiedzy-Caná lo ṟegioṉ-Galilea, wé we ni ngann ni nier lee ptzoo me, no wé guzlo rwieꞌ meññ xroꞌ ni rtzoo me; no xmeññ me bylíladzy yâme leeme.

JUAN 7:41

Zrieñ yâme ne: ―Mpyquie-rieꞌ nac Crist. Per zrieñ yâme ne: ―¿Nehxni ṟegioṉ-Galilea nruu Crist?

JUAN 7:52

Ra yâme Nicodem: ―¿Meññ-Galilea lii zegahc la? Biiḻy lo Guehtzy zaꞌgndzi ru queꞌ xtiidz Dioz, güieꞌzyiꞌ, dgueññ gyruu ni to profet ṟegioṉ-Galilea.

HECHOS 10:37

Laꞌd nann laꞌd gyre ni guhc gydo lo ṟegioṉ-Judea, ni guzlo xtâ ṟegioṉ-Galilea bylux de ni bieno Juaṉ xtiidz Dioz meññ no pchôbnihs me leeyâme.

HECHOS 23:10

Bwieꞌ comandant ba ma xroꞌ ṟid gatzoo yâme, bydzie me ntzudé yâme Pabl. Were pshalcaꞌ me soldad biahd lehdy güloo yâme Pabl, ziyno yâme lee leññ cuartel sto.

HECHOS 5:33

Hor-bieññ yâme nirieꞌ we naꞌ, modni bydziaꞌdzy yâme, gucladzy yâme ngaꞌdy yâme apóstl yahc.

HECHOS 7:54

Hor-bieññ guxtisy nirieꞌ we naꞌ, bydziaꞌdzy yâme, no byruu gahc yâme contr Stebn lé rahgü laiy yâme.

HECHOS 7:57

Per leeyâme pquee yâme riedz, no psaagü gydiag yâme lehdy di guieññ yâme ni ganii me, no pquelo gahc yâme leeme.