LUCAS 23:11 - Zapotec Guevea de Humboldt New Testament

¹¹ Guzlo Herody no gahc xsoldad me güdeḻy yâme Jesúz gyrehzy mód, no lehdy ptzuburl yâme leeme bguhtz yâme leeme to lahr mod-ruhtz ṟeiy. No luxu, pshahl me Jesúz lo Pilat gyzac.

LUCAS 23:11 Iomraidhean Croise

MATEO 14:1

Lo tiemp-wé Herody, ni nac gobernador lo ṟegioṉ-Galilea, bieññ me diidz lguia Jesúz,

MATEO 14:3

Günii Herody ze porni leeme ptzoo mdad bygaꞌ Juaṉ, blihby yâme lee caden, no güluꞌ yâme lee lidzyguiib. Ptzoo Herody ze por xtoḻ Herodíaz ni nac tziahl Felipy; Felipy naꞌ, behtzy gahcme we Herody,

MATEO 14:6

Per dze-guhc xilni Herody‑e naꞌ, byeꞌ xindzabdxuur Herodíaz glaꞌy ru dxie yâme, no byxilyno ṟeiy-Herody mod-ptzoo me.

MARCOS 9:12

Ra Jesúz leeyâme: ―Ni uli we leeu nier Elíaz‑e guiaad, no leeme guistziaawy gyreu. ¿No bia mód‑e naꞌ güyaa lo Guehtzy ru queꞌ xtiidz Dioz, de ni naa, Mpyquie-Pshahl Dioz Lee, zdeedyaꞌ xtahl guîlné no stzunéladzy meññ naa?

LUCAS 23:10

Uga dxie xjefy yahc bahl no muextr ni ruuḻ yahc xleiy Moiséz, gyrehzy ganii yâme contr leeme par di gylaa me.

JUAN 19:5

Byruu Jesúz, ba nu coron-guiahtz ihqy me, no ba nutz me to lar-morad. Were ra Pilat leeyâme: ―¡Neꞌ zu mpyquie-bidno laꞌd lee!

SANTIAGO 2:2

Sca-ze gynii nó, hor-nu laꞌd leññ idoo no rdzihñ to meññ-ṟicü, nu be-or ña no nutz lahr ni ma mos no ma ncoby, no hor-wé gahc riuꞌ to meññ-pobr nutz lar-ba gayux,

SANTIAGO 2:3

no ṟicü, ma gaxilyno laꞌd lee, no gayo laꞌd ru ma mos cuia me; no ni pobr naꞌ, wé ra laꞌd lee: “Lii nú guzli, o neꞌ lo yu gürie”;