LUCAS 20:36 - Zapotec Guevea de Humboldt New Testament

³⁶ No dze-ba gübahñ meññ la, ba nehx ziuꞌ dzé gaty yâme. Beeiy gahc ángel ni nu gybaa we gac yâme. No meññ-gybahñ yahc sto, wé ba xiiñ Dioz‑e leeyâme.

LUCAS 20:36 Iomraidhean Croise

MATEO 22:30

Porni dze-gybahñ mînguty, ba nehx zidzña meññ no nehx zdee meññ guîltziahl xiiñ, mazyg gac yâme beeiy x‑ángel yahc Dioz ni nu gybaa.

MARCOS 12:25

Porni dze-gybahñ mînguty, ba nehx zidzña meññ no nehx zdee meññ guîltziahl xiiñ, mazyg gac yâme beeiy ángel yahc ni nu gybaa.

ROMANOS 8:16

No xiSpirt gahc Dioz rdee diidz dguîlmbahñ nó ba xiiñ me we nó.

1 CORINTIOS 15:26

No últim ni rdziadzyno leeme no ni zniꞌdy me lee, wé we guîlguhty.

1 CORINTIOS 15:42

No ze de ni rbahñ mînguty. Cuerp ni rgaꞌdzy riudzu, per cuerp ni rbahñ we ba nehx ziudz.

1 CORINTIOS 15:49

No sca-ze nac nó beeiy mpyquie ni güyaa no yu, zegahc zahc nó beeiy mpyquie ni byruu gybaa.

FILIPENSES 3:21

Leeme we ctzee cuerp-riudz ni rahp nó, lehdy gacu beeiy xcuerp-mos me ni nehx riudz. No ctzoo meu porni beeiyu leeme par ctzoo me mdad gyre ni nu.

APOCALIPSIS 20:6

¡Dxu ñahc beeiy meññ ni nier lee gybahñ de lahd mînguty, porni nunzy par Dioz‑e leeyâme! No ni rrohp guîlguhty nehx stzoou leeyâme mbehty, mazyg gac yâme xbahl Dioz no xbahl Crist, no stzoo yâme mdad no Crist diymily ihz.

APOCALIPSIS 21:4

No schee Dioz gyre nzelo yâme ni biin yâme; no ba nehx ziuꞌ guîlguhty, no ba nehx ziuꞌ yâme trixd, ni ba nehx zuun yâme, ni ba nehx gzacno yâme; porni gyre ni güyuꞌ tzcaḻ, ba bynihtyu.

APOCALIPSIS 22:9

Per ra me naa: ―Di gzacbeeiyiꞌ naa; xtziiñ Dioz‑e rtzon beeiy gahc lii no gyre xirmaniꞌ ni nac yahc profet no gyre meññ ni rtzoo mod-ne diidz ni queꞌ lo guetzy-rieꞌ. Bzacbeeiy Dioz.