LUCAS 20:16 - Zapotec Guevea de Humboldt New Testament

¹⁶ Ni ctzohdy me la, guiaad me no igaꞌdy me meññ-rieꞌ yahc, no gdee me lyu-wé, ycaꞌ zrieñ meññ. Ru bieññ meññ günii Jesúz mod-wé, ne yâme: ―¡Di ñahcladzy Dioz ñahc nó mod-wé!

LUCAS 20:16 Iomraidhean Croise

MATEO 21:34

Dze-ba gayahc xicüsech blatzy‑e naꞌ, pshahl me chohp tzonn xmós me, ziycaꞌ ni ctzulaꞌy yâme de lo cüsech ru nu meññ-caḻ yahc ni gatzoo dziiñ.

MATEO 21:41

Ra yâme Jesúz: ―Ba nehx nu guîlrioob, gaty meññ-rieꞌ yahc ni nac meññ-dirquihñ, no gdee xbixwaan lyu-wé xtziiñ me zrieñ meññ ni gdee ni ctzulaꞌy yâme de cad cüsech.

MATEO 22:7

Niwé bwieꞌ ṟeiy, bydziaꞌdzy me no pshahl me xsoldad me biygaꞌdy meññ-dirquihñ ni biꞌdy meññ-rtzoo ximdad me no pquee gue gyre yuꞌ ni nu xguiedzy yâme.

MARCOS 12:9

’¿Biaz‑e naꞌ ctzoo xbixwaan lyu-caḻ ni bdziib blatzy? Guiaad me no igaꞌdy me meññ-rieꞌ yahc, no gdee me lyu-wé ycaꞌ zrieñ meññ.

LUCAS 19:27

No gyre meññ-rdziadzyno naa ni nehx biuꞌladzy ñahcaꞌ ṟeiy la, lâ guidno leeyâme neꞌ. Lâ igaꞌdy leeyâme ñaz-dloꞌn.”

LUCAS 20:15

Were güloo yâme leeme leññ lyu ru dziib blatzy, no bgaꞌdy yâme leeme. Ra Jesúz leeyâme: ―¿Biaz‑e naꞌ ctzoo xbixwaan lyu-caḻ meññ-rieꞌ yahc?

HECHOS 13:46

Pabl naꞌ no Bernabé nehx rdzie yâme, ra yâme meññ-wé: ―Güdahp noꞌ de ni bieno noꞌ xtiidz Dioz nier laꞌd ni nac meññ-Isṟael; per gumm garuu laꞌd chehshu, no rwieꞌ laꞌd nehx par laꞌd guîlmbahñ ni nehx zluhx la, ngâstoo were ba tzo noꞌ ru nu meññ-nehx meññ-Isṟael.

ROMANOS 11:1

Were rnabdiidzaꞌ: ¿Güloo ihqy Dioz xguiedzy me Isṟael la? ¡Yac, dac‑e ze leeu! Naa zegahc‑e nacaꞌ meññ-Isṟael de lo xfamily Braṉ no de lo xigrup Benjamíṉ.

ROMANOS 11:11

Hôrrieꞌ ganabdiidzaꞌ: Hor-byraḻ nieꞌ meññ-Isṟael, ¿biahb yâme togahcs la? ¡Yac, dac‑e ze leeu! Mazyg hor-di nzobdiidz meññ-Isṟael, zrieñ meññ ni nehx meññ-Isṟael, bzobdiidz yâme, no gylaa yâme de lo guîlnadz, lehdy cu ihqy meññ-Isṟael gzobdiidz zegahc.

ROMANOS 3:31

Were naꞌ, ¿porni rlídadzy nó Crist, mboo nó diby lad ni ne xleiy Dioz la? ¡Yac, dac‑e ze leeu! Mazyg ma gatzoo nó ni ne xleiy Dioz porni rlídadzy nó Crist.

ROMANOS 3:4

¡Yac, dac‑e ze leeu! Dioz nehx nisquiee me, nîcze gyre meññ risquiee, mod-rnii lo Guehtzy ru queꞌ xtiidz Dioz neu: Zieññ meññ ni uli we rniiy, no rtzooy gan ru rruu meññ contr lii.

ROMANOS 3:6

¡Yac, dac‑e ze leeu! Bâḻ Dioz nehx ntzoo ni nac xñahzû, ¿bia mód beeiy ntzoo me guîlguxtisy lguia meññ-nu lo guiedzylie?

ROMANOS 6:15

Naꞌz naꞌ, ¿ctzoo nó guîlquie, porni ba nehx rtzoo leiy mdad nó, mazyg xlaꞌy Dioz rtzoo mdad nó la? ¡Yac, dac‑e ze leeu!

ROMANOS 6:2

¡Yac, dac‑e ze leeu! Porni nó ni zidguiahc beeiy ni ba guhty, no ba nehx nu nó par ctzoo nó guîlquie, ¿bia nacu naꞌ ctzoor nó guîlquie la?

ROMANOS 7:13

Were naꞌ, ¿leiy nacu ni mos, no güiynou naa lo ni zidguiahc beeiy guîlguhty la? ¡Yac, dac‑e ze leeu! Mazyg lehdy guieññ bia leeu nac guîlquie, pquihñu to ni mos par biꞌdyu naa, no modé ni rtzoo Dioz mdad ctzoo meññ, pshalu lo ni ulihbu ni nahcsy ni nac guîlquie.

ROMANOS 7:7

¿Bia beeiy nnii nó naꞌ? ¿Leiy ni bdee Dioz, guîlquie we leeu la? ¡Yac, dac‑e ze leeu! Mazyg leiy bluu naa nzaabyaꞌ guîlquie, porni nehx ñannaꞌ bâḻ nu guîlrzîbyladzy, bâḻ leiy di ñau naa: “Di gyzîbyladzyiꞌ.”

ROMANOS 9:14

¿Bia beeiy nnii nó naꞌ? ¿Nehx rtzoo Dioz ni nac xñahzû la? ¡Yac, dac‑e ze leeu!

1 CORINTIOS 6:15

¿Dâs‑e nann laꞌd xcuerp laꞌd zidguiahcu beeiy gahc xcuerp Crist la? ¿Nehxni ncan xcuerp Crist, ntzonu tohzy no xcuerp to ngünaa ni rtzoo guîlquie no xtahl mpyquie la? ¡Yac, dac‑e ze leeu!

GÁLATAS 2:17

No leewe naꞌ, noꞌ ni nac meññ-Isṟael, bâḻ gayo noꞌ tedy noꞌ beeiy ni nehx nzahby guîlquie porni rlídadzy noꞌ Crist, no zegahc‑e neññ meññ-guîlquie noꞌ, ¿nehxni Crist gatzoo me noꞌ meññ-guîlquie la? ¡Yac, dac‑e ze leeu!

GÁLATAS 3:21

¿Bia ne laꞌd, rruu xleiy Moiséz chehsh ni bdee Dioz xtiidz me la? ¡Yac, dac‑e ze leeu! Porni bâḻ leiy nlau meññ lehdy ncaꞌ yâme guîlmbañ-coby la, ndedy meññ‑e beeiy ni nehx nzahby guîlquie porni rtzoo yâme ni queꞌ lou.

GÁLATAS 6:14

Naa naꞌ, nehx racdadzyaꞌ tzuguian de mbehty, mazyg tzuguian de ni guhty Jesucrist lo cruzy, leeme rtzoo mdad nó. Porni lo xcruzy me, ba guhty ni nahcsy ni nu lo guiedzylie par naa; no par ctzon ni nahcsy ni nu lo guiedzylie la, rahc cuent ba guhtyaꞌ we.