LUCAS 2:4 - Zapotec Guevea de Humboldt New Testament

⁴ Leewe byruu José guiedzy-Nasaret ni nu lo ṟegioṉ-Galilea, güya me guiedzy-Beléṉ ni nu lo ṟegioṉ-Judea, ru guhl Davit ni güyuꞌ ba xtze. No José naꞌ, de lo gahc xfamily Davit‑e ziaad me.

LUCAS 2:4 Iomraidhean Croise

MATEO 1:20

Ganii ziaꞌr leññ ihqy me ze, biahd to x‑ángel Dioz lo mpcaaḻ, ra leeme: ―José, lii ni ziaad de lo xfamily ṟeiy-Davit, di gynii leññ ihqyiꞌ gyrehzy; bidzña no Maríe, porni mdoo ni guidtap me, por Spirt-Sant‑e guiaad me.

MATEO 2:23

Hor-bydzihñ yâme lo ṟegioṉ-rieꞌ, zia yâme to guiedzy ni le Nasaret. Guhcu ze lehdy guhc mod-günii profet yahc, tzu le Jesúz to meññ-Nasaret.

LUCAS 2:3

Gyre meññ güya xguiedzy ru guhl, bigdee le.

LUCAS 2:5

Güya me Beléṉ, bigdee le me tohzy no Maríe, ni ba nac diidz guidzña me lee, no ba nu Maríe de xcuidad.

LUCAS 4:16

Bydzihñ Jesúz Nasaret, guiedzy ru byniꞌzy me; no güya me idoo dze-risladzy meññ‑Isṟael, mod-rtzoo gahc me. Ru guzli me lehdy guuḻ me lo Guehtzy ru queꞌ xtiidz Dioz,

JUAN 1:46

Ra Natanael leeme: ―¿Nehxni beeiy nruu meññ-tziaawy Nasaret? Ra Felipy Natanael: ―Güde lehdy güieꞌy.

JUAN 7:42

Lo Guehtzy ru queꞌ xtiidz Dioz rniiu guiaad Crist de lo xfamily Davit no guiedzy-Beléṉ, ru nac xguiedzy Davit.