LUCAS 2:11 - Zapotec Guevea de Humboldt New Testament

¹¹ Dzêrieꞌ guhl to mdoo leññ xguiedzy Davit, leeme we ni guislaa meññ de lo guîlnadz ni ziaad. No leeme we nac CRIST ni ctzoo mdad.

LUCAS 2:11 Iomraidhean Croise

MATEO 1:16

Jacop xtad José tziahl Maríe; Maríe, wé guhc xmam Jesúz, ni ra yâme lee Crist.

MATEO 1:21

Maríe guidtap me to mdoñooby, no cuy le me JESÚZ. Tzu le me ze, porni leeme guislaa me xmeññ me de lo xguîlquie.

MATEO 16:16

Ra Simoṉ-Pedr leeme: ―Lii we nac Crist, Xiiñ Dioz-mbahñ.

MATEO 16:20

Luxu ra Jesúz xmeññ me na di ga yâme ndruhty bâḻ leeme we ni nac Crist.

LUCAS 1:43

¿Dxu we nacaꞌ par guiaad xmam tDiozaꞌ guidtixlo naa?

LUCAS 1:69

Dioz gashahl to ni beeiyu lee par guislaa nó de lo guîlnadz ni ziaad, no ziaad me de lo gahc xfamily Davit ni ptzoo xtziiñ Dioz.

LUCAS 2:26

No ba psieññ Spirt-Sant leeme nehx zehty me antzy ni güieꞌ me Crist ni cshahl Dioz lee.

LUCAS 2:4

Leewe byruu José guiedzy-Nasaret ni nu lo ṟegioṉ-Galilea, güya me guiedzy-Beléṉ ni nu lo ṟegioṉ-Judea, ru guhl Davit ni güyuꞌ ba xtze. No José naꞌ, de lo gahc xfamily Davit‑e ziaad me.

JUAN 1:41

Ndréz, nier bigyo me behtzy me Simóṉ, no ra me lee: ―Bydzial noꞌ dxu lee nac Mesíaz ―ni rnii neu, ni nac Crist.

JUAN 1:45

Felipy bigyo me Natanael, no ra me lee: ―Bydzial noꞌ to meññ ni de lee bzaa Moiséz lo guehtzy ru queꞌ leiy, no ni de lee bzaa profet yahc. Leeme le Jesúz, xiiñ José ni nu guiedzy-Nasaret.

JUAN 11:27

Ra Mart Jesúz: ―Rlídadzyaꞌ, Señor; naa rlídadzyaꞌ lii we nac Crist, Xiiñ Dioz, ni biahd lo guiedzylie.

JUAN 20:31

Per ni ganii lo guetzy-rieꞌ güyaau lehdy gylíladzy laꞌd Jesúz, leeme nac Crist, Xiiñ Dioz, no lehdy hor-gylíladzy laꞌd leeme, gap laꞌd guîlmbahñ ni nehx zluhx.

JUAN 4:25

Ra ngüna-samaritan leeme: ―Naa nannaꞌ guiaad ni lee nac Mesíaz, ni ra yâme lee Crist; no dze-guiaad me, za me noꞌ gyreu.

JUAN 4:42

No ra yâme ngüna-caḻ: ―Hôrrieꞌ rlídadzy noꞌ, nehx nunzy de ni guhdzyiꞌ noꞌ, mazyg porni noꞌ gahc ba bieññ noꞌ ni günii me, no ba nann noꞌ ni uli we leeme nac Crist ni guislaa meññ-nu lo guiedzylie de lo guîlnadz ni ziaad.

JUAN 6:69

Noꞌ ba bylídadzy noꞌ, no nann noꞌ lii we nac Crist, Xiiñ Dioz-mbahñ.

JUAN 7:41

Zrieñ yâme ne: ―Mpyquie-rieꞌ nac Crist. Per zrieñ yâme ne: ―¿Nehxni ṟegioṉ-Galilea nruu Crist?

HECHOS 10:36

No nirieꞌ, leegahcu we xtiidz me ni psieññ me meññ-Isṟael lehdy tzu yahc dzie tziaawy por Jesucrist; no Crist‑e rtzoo mdad gyre ni nu lo guiedzylie.

HECHOS 13:23

No de lo gahc xfamily Davit‑e byruu Jesúz ni pshahl Dioz lee par guislaa meññ-Isṟael de lo guîlnadz ni ziaad, mod-bdee Dioz xtiidz.

HECHOS 17:3

Bluu me leeyâme no güloxñahz me ru ziaadu de ni Crist nehx ndedy de ni guhty me no gübahñ me de lahd mînguty. No ra me leeyâme: ―Jesúz, ni gayunon laꞌd de lee, leegahcme we nac Crist.

HECHOS 2:36

’Laꞌd meññ-Isṟael, racdadzyaꞌ gann laꞌd ni uli: Jesúz ni gazataꞌ lee, ni pquee laꞌd lee lo cruzy la, leeme we ni ptzoo Dioz lee Señor ni rtzoo mdad no ni nac Crist.

HECHOS 5:31

Per Dioz güluguia leeme, no dxie me coo Dioz lad-drech lehdy ctzoo me mdad gyre meññ no par guislaa me meññ de lo guîlnadz ni ziaad, lehdy meññ-Isṟael, csaan yâme ni nahcsy ni nac yâme no csiaaḻladzy Dioz xguîlquie yâme.

1 CORINTIOS 15:47

Mpyquie ni nier lee güyuꞌ ni güyu-le Adáṉ, güyaa no yu, leewe guhc me meññ-guiedzylie; ni rrohp mpyquie, lee we Crist ni rtzoo mdad, wé we byruu gybaa.

FILIPENSES 2:11

No nyug znii de ni Jesucrist, leeme we ni rtzoo mdad, no modé tzuguia Dioz ni nac dTad nó.

FILIPENSES 3:8

Nirieꞌ ni uli we leeu, nehx nu ni ma rsahc lo guiedzylie beeiy mod-rsahc ni ba bzacloꞌn Crist Jesúz ni rtzoo mdad naa. No por leeme we ba gyre cos güloon diby lad. Ba rsahcaꞌ leeyahcu beeiy guix ni ba byzahby par ctzon gan Crist

COLOSENSES 2:6

Leewe, sca-ze ba rlíladzy laꞌd Jesucrist ni rtzoo mdad, lâ ctzoo ni ne me porni nu laꞌd no leeme.

1 JUAN 4:14

No noꞌ bwieꞌ noꞌ no rdee noꞌ diidz de ni Dioz ni nac dTad nó pshahl me Xiiñ me lehdy guislaa me meññ ni nu yahc lo guiedzylie de lo guîlnadz ni ziaad.

1 JUAN 5:1

Gyre dxu rlíladzy Jesúz‑e nac Crist la, wé we xiiñ Dioz; no gyre dxu ndzi to ngüzahn, zegahc‑e ndzi me xiiñ ngüzan-rieꞌ.