LUCAS 19:12 - Zapotec Guevea de Humboldt New Testament

¹² Ra me leeyâme: ―Byruu to mpyquie de lahd gahc xfamily meññ-rahc ni rnii, za to guiedzy modni ziht, ziycaꞌ xguehtzy me lehdy dze-guibyguiat me gac me ṟeiy xguiedzy me.

LUCAS 19:12 Iomraidhean Croise

MATEO 21:38

Per hor-bwieꞌ meññ-caḻ ni gatzoo yahc dziiñ ziaad xiiñ xbixwaan lyu, ra saꞌ yâme: “Mpyquie-ziaad, leeme we ni guian-no gyrenac dziiñ dze-ba guhty xtad me; igaꞌdy nó leeme lehdy gac dixchieñ nó gyreu.”

MATEO 28:18

Were gübigy Jesúz leeyâme no ra me leeyahc: ―Dioz ne me ctzon mdad gyre ni nu gybaa no gyre ni nu lo guiedzylie.

MARCOS 12:1

No guzlo Jesúz günino me meññ-wé yahc ndaagü lo diidz, ra me leeyâme: ―Güyuꞌ to mpyquie, bdziib me blatzy to lo xroꞌ lyu, no ptahgü me guingybiu; luxu güdahñ me to guieryu ru gyxii blatzy, no bzaa me beeiy to yuꞌ ni nsuu lehdy ycuniꞌ xmeññ me ru gayahc dziiñ. ’No luxu bdee me lyu-rieꞌ zrieñ meññ-ctzoo dziiñu por glaꞌy, no leeme za me to ru ziht.

MARCOS 16:19

Jesúz ni rtzoo mdad naꞌ, bylux günino me xmeññ me, biahs me zia me gybaa, no gürie me coo Dioz lad-drech.

LUCAS 20:9

Luxu, gyzac guzlo Jesúz ganino me meññ ndaagü lo diidz, ra me leeyâme: ―Güyuꞌ to mpyquie, bdziib me blatzy to lo xroꞌ lyu, no luxu bdee meu zrieñ meññ-ctzoo dziiñu por glaꞌy. Luxu za me to guiedzy ru ziht no gylee meu xroꞌ tiémp.

LUCAS 24:51

Lóni gaguꞌ me laꞌy leeyâme, biahs me zia me gybaa.

JUAN 18:37

Ra Pilat leeme: ―¿Ni uli ṟeiy lii la? Ra Jesúz leeme: ―Lii neꞌy ṟeiy naa. Par nirieꞌ we guhlaꞌ no biaḻaꞌ lo guiedzylie, lehdy gdedyaꞌ diidz de ni nac ni uli. Gyre meññ ni rzaclo ni uli, rieññ yâme naa.

HECHOS 17:31

Porni Dioz ba güle me to dzé ctzoo me guîlguxtisy lguia gyre meññ no to mod-nac xñahzu, no ctzoo meu por mpyquie ni ba güle me lee. No Dioz bluu me gyre meññ nirieꞌ ni uli we leeu dze-bispahñ me mpyquie-rieꞌ de lahd mînguty.

1 CORINTIOS 15:25

Porni Crist rahp de ni ctzoo mdad xtâ glo gyre meññ ni rdziadzyno leeme guisshiby yâme lo me.

HEBREOS 9:28

zegahc‑e Crist, bdee me leegahcme beeiy to gun tohzy vuelt lehdy gboo me xguîlquie xtahl meññ. No guiaad me sto, per dac par gboo me xguîlquie meññ, mazyg lehdy guislaa me meññ ni gabiahz leeme.

1 PEDRO 3:22

ni zia gybaa no dxie coo Dioz lad-drech, no Crist rtzoo mdad gyre ángel, no zrieñ ni nu leññ gybaa ni rtzoo mdad no ni rahc ni rnii.

APOCALIPSIS 1:7

¡Lâ güieꞌ, Crist guiaad lo zá! Gyre meññ zwieꞌ leeme dze-guiaad me, no meññ ni pquee leeme lo cruzy, zwieꞌ leeme; no gyre meññ ni nu lo guiedzylie modni zuun yâme dze-güieꞌ yâme leeme. Modé gacu.